തീവിലയിൽ എണ്ണയൊഴിക്കുന്പോൾ

ഡൽഹി ഡയറി / ജോ​ർ​ജ് ക​ള്ളി​വ​യ​ലി​ൽ

പെ​ട്രോ​ൾ വി​ല വീ​ണ്ടും ക​ത്തി​ക്ക​യ​റു​ക​യാ​ണ്. രൂ​പ​യു​ടെ മൂ​ല്യ​മാ​ക​ട്ടെ താ​ഴേ​ക്കു കൂ​പ്പു​കു​ത്തു​ന്നു. പെ​ട്രോ​ൾ, ഡീ​സ​ൽ, പാ​ച​ക​വാ​തക വി​ല​ക​ൾ ച​രി​ത്ര​ത്തി​ലെ ഏ​റ്റ​വും കൂ​ടി​യ റി​ക്കാ​ർ​ഡി​ലാ​ണ്. രൂ​പ​യു​ടെ വി​ല​യി​ടി​വും സ​ർ​വ​കാ​ല റി​ക്കാ​ർ​ഡാ​ണ്. സാ​ധാ​ര​ണ ജ​ന​ങ്ങ​ളെ കൊ​ള്ള​യ​ടി​ച്ച് സ​ർ​ക്കാ​രും പൊ​തു​മേ​ഖ​ല​യി​ലെ​യും റി​ല​യ​ൻ​സ് പോ​ലു​ള്ള സ്വ​കാ​ര്യ എ​ണ്ണ​ക്ക​ന്പ​നി​ക​ളും വ​ലി​യ തോ​തി​ലാ​ണു പോ​ക്ക​റ്റ് വീ​ർ​പ്പി​ക്കു​ന്ന​ത്.

പെ​ട്രോ​ൾ ലി​റ്റ​റി​ന് മും​ബൈ​യി​ൽ 87.39 രൂ​പ​യും ഡ​ൽ​ഹി​യി​ൽ 79.99 രൂ​പ​യും (ഭാ​ഗ്യം 80 രൂ​പ​യ്ക്ക് ഒ​രു പൈ​സ​യു​ടെ കു​റ​വ്!) ചെ​ന്നൈ​യി​ൽ 83.13 രൂ​പ​യും കോ​ൽ​ക്ക​ത്ത​യി​ൽ 82.88 രൂ​പ​യു​മാ​യാ​ണു കൂ​ട്ടി​യ​ത്. തി​രു​വ​ന​ന്ത​പു​ര​ത്ത് പെ​ട്രോ​ളി​ന് 83.40 രൂ​പ വ​രെ വി​ല കൂ​ടി. ഡീ​സ​ലി​ന് മും​ബൈ​യി​ൽ 76.51 രൂ​പ, ഡ​ൽ​ഹി​യി​ൽ 72.07 രൂ​പ, ചെ​ന്നൈ​യി​ൽ 76.17 രൂ​പ, കോ​ൽ​ക്ക​ത്ത​യി​ൽ 74.92 രൂ​പ, തി​രു​വ​ന​ന്ത​പു​ര​ത്ത് 77.23 രൂ​പ എ​ന്നി​ങ്ങ​നെ​യാ​ണു കു​ത്ത​നെ വി​ല കൂ​ട്ടി​യ​ത്.

ഹ​ർ​ത്താ​ൽ പ​രി​ഹാ​ര​മാ​കി​ല്ല

ദി​വ​സ​വു​മെ​ന്നോ​ണ​മു​ള്ള പെ​ട്രോ​ൾ, ഡീ​സ​ൽ, പാ​ച​ക​വാ​ത​ക വി​ല​കൂ​ട്ട​ലി​നെ​തി​രേ വ​ലി​യ പ്ര​തി​ഷേ​ധം രാ​ജ്യ​ത്താ​കെ ഉ​യ​ർ​ന്നി​ട്ടു​ണ്ട്. പ​ക്ഷേ അ​തി​ന്‍റെ പേ​രി​ൽ രാ​ജ്യ​മാ​കെ തി​ങ്ക​ളാ​ഴ്ച ഭാ​ര​ത് ബ​ന്ദും കേ​ര​ള​ത്തി​ൽ ഹ​ർ​ത്താ​ലും ന​ട​ത്താ​ൻ കോ​ണ്‍ഗ്ര​സും സി​പി​എ​മ്മും അ​ട​ക്ക​മു​ള്ള പ്ര​തി​പ​ക്ഷ പാ​ർ​ട്ടി​ക​ൾ ആ​ഹ്വാ​നം ചെ​യ്തു. പ്ര​ള​യ​ദു​ര​ന്ത​ത്തി​ൽ നി​ന്നു തീ​രെ ക​ര​ക​യ​റി​യി​ട്ടി​ല്ലാ​ത്ത കേ​ര​ള​ത്തി​ലെ ജ​ന​ങ്ങ​ളു​ടെ ദു​രി​ത​ങ്ങ​ൾ കൂ​ട്ടാ​നേ ഇ​ത്ത​രം ഹ​ർ​ത്താ​ൽ ഉ​പ​ക​രി​ക്കു​ക​യു​ള്ളൂ.

പ്ര​ള​യ​ക്കെ​ടു​തി​ക​ളി​ലും പെ​ട്രോ​ൾ വി​ല​വ​ർ​ധ​ന​യി​ലും ന​ട്ടം തി​രി​യു​ന്ന ജ​ന​ത്തി​നു വീ​ണ്ടും പ്ര​ഹ​രം ഏ​ൽ​പ്പി​ക്കു​ന്ന​തി​നെ ന്യാ​യീ​ക​രി​ക്കാ​നാ​കി​ല്ല. പ്ര​തി​ഷേ​ധി​ക്കാ​നാ​യി ന​ട​ത്തു​ന്ന ഹ​ർ​ത്താ​ൽ കൊ​ണ്ടു ജ​ന​ങ്ങ​ളു​ടെ ഒ​രു പ്ര​ശ്ന​വും അ​ടി​യ​ന്ത​ര​മാ​യി പ​രി​ഹ​രി​ക്ക​പ്പെ​ടു​ന്നി​ല്ല. മ​റി​ച്ച് പ്ര​ള​യ ദു​ര​ന്ത​ത്തി​ൽ ക​ഴി​യു​ന്ന​വ​രു​ടെ മു​റി​വി​ൽ മു​ളകു​പൊ​ടി വി​ത​റു​ന്ന​തി​നു തു​ല്യ​മാ​കു​മ​ത്. ഇ​ടി​വെ​ട്ടി​യ​വ​നു പാ​ന്പു​ക​ടി​യേ​റ്റ നി​ല​യി​ലാ​ണ് കേ​ര​ള​ത്തി​ലെ സാ​ധാ​ര​ണ ജ​ന​ത.

ഹ​ർ​ത്താ​ലു​മാ​യി മു​ന്നോ​ട്ടു​പോ​കാ​നു​ള്ള യു​ഡി​എ​ഫി​ന്‍റെ​യും എ​ൽ​ഡി​എ​ഫി​ന്‍റെ​യും തീ​രു​മാ​നം ജ​ന​വി​രു​ദ്ധ​മാ​ണ്. ദി​വ​സേ​ന​യു​ള്ള പെ​ട്രോ​ൾ വി​ല വ​ർ​ധ​ന പ്ര​തി​ഷേ​ധി​ക്കേ​ണ്ടതു ​ത​ന്നെ​യാ​ണ്. ച​രി​ത്ര​ത്തി​ലെ ഏ​റ്റ​വും വ​ലി​യ തീ​വെ​ട്ടി​ക്കൊ​ള്ള​യാ​ണ് കേ​ന്ദ്ര​സ​ർ​ക്കാ​ർ പെ​ട്രോ​ൾ, ഡീ​സ​ൽ, പാ​ച​ക​വാ​ത​ക വി​ല കൂ​ട്ട​ലി​ലൂ​ടെ ന​ട​ത്തു​ന്ന​തെ​ന്ന​തി​ൽ സം​ശ​യി​ക്കാ​നി​ല്ല. പ​ക്ഷേ പ്ര​തി​ഷേ​ധ​ത്തി​നു ഹ​ർ​ത്താ​ൽ ത​ന്നെ വേ​ണ​മോ എ​ന്ന​തു മാ​ത്ര​മാ​ണു ത​ർ​ക്കം. 1997 ജൂ​ലൈ 28ന് ​കേ​ര​ള ഹൈ​ക്കോ​ട​തി ബ​ന്ദ് നി​രോ​ധി​ച്ച​തി​നെ തു​ട​ർ​ന്നാ​ണു പ​ഴ​യ വീ​ഞ്ഞു ഹ​ർ​ത്താ​ൽ എ​ന്ന ഓ​മ​ന​പ്പേ​രി​ട്ട് പു​തി​യ കു​പ്പി​യി​ൽ വി​ള​ന്പു​ന്ന​ത്.

വേ​ണ്ടതു ​ജ​ന​കീ​യ പ്ര​ക്ഷോ​ഭം

പൊ​തു​ജ​ന​ങ്ങ​ളെ കൂ​ട്ടി വ​ലി​യ ജ​ന​കീ​യ പ്ര​ക്ഷോ​ഭ​ത്തി​നാ​ണു പ്ര​തി​പ​ക്ഷം ശ്ര​മി​ക്കേ​ണ്ടി​യി​രു​ന്ന​ത്. ഡ​ൽ​ഹി​യി​ലെ സ​ർ​ക്കാ​രി​ന്‍റെ ധാ​ർ​ഷ്‌​ഠ്യം അ​വ​സാ​നി​പ്പി​ക്കാ​ൻ അ​ത്ത​ര​ത്തി​ലു​ള്ള ജ​ന​കീ​യ റാ​ലി​ക​ൾ​ക്കും സ​ത്യ​ഗ്ര​ഹ​ങ്ങ​ൾ​ക്കും കൂ​ടു​ത​ൽ ഫ​ല​വ​ത്താ​യി ക​ഴി​യു​ക​യും ചെ​യ്യും. ബ്രി​ട്ടീ​ഷു​കാ​രി​ൽ നി​ന്നു സ്വാ​ത​ന്ത്ര്യം നേ​ടാ​ൻ അ​ഹിം​സാ സ​ത്യ​ഗ്ര​ഹം ന​ട​ത്തി​യ മ​ഹാ​ത്മാഗാ​ന്ധി​യു​ടെ പി​ൻ​മു​റ​ക്കാ​ർ ജ​ന​ങ്ങ​ളെ ബ​ന്ധി​യാ​ക്കി​യാ​ലേ പ്ര​തി​ഷേ​ധ​മാ​കൂ എ​ന്നു വാ​ദി​ക്കു​ന്ന​തു ക​ഷ്ടം ത​ന്നെ. ര​ണ്ടാം യു​പി​എ സ​ർ​ക്കാ​രി​നെ​തി​രേ അ​ന്നാ ഹ​സാ​രെ​യു​ടെ നേ​തൃ​ത്വ​ത്തി​ൽ ഡ​ൽ​ഹി​യി​ൽ ആ​ഴ്ച​ക​ൾ നീ​ണ്ട സ​ത്യ​ഗ്ര​ഹ സ​മ​ര​മാ​ണ് വി​ജ​യി​ച്ച​തെ​ന്ന​തും മ​റ​ക്ക​രു​ത​ല്ലോ.

ഭ​രി​ക്കു​ന്ന സ​ർ​ക്കാ​രി​ന്‍റെ ജ​ന​വി​രു​ദ്ധ ന​യ​ങ്ങ​ൾ​ക്കെ​തി​രേ പ്ര​തി​ഷേ​ധം സം​ഘ​ടി​പ്പി​ക്കേ​ണ്ടതു ​പ്ര​തി​പ​ക്ഷ​ത്തി​ന്‍റെ ക​ട​മ​യും ഉ​ത്ത​ര​വാ​ദി​ത്വ​വു​മാ​ണ്. ഇ​തി​നാ​യു​ള്ള സ​ത്യ​ഗ്ര​ഹ​ങ്ങ​ൾ​ക്കും ല​ക്ഷ​ങ്ങ​ളെ കൂ​ട്ടി​യു​ള്ള ജ​ന​കീ​യ റാ​ലി​ക​ൾ​ക്കും കു​റ​ച്ചേ​റെ ക​ഷ്ട​പ്പാ​ടും പ്ര​യ​ത്ന​വും പ​ണ​ച്ചെ​ല​വും ആ​വ​ശ്യ​മാ​ണ്. ഹ​ർ​ത്താ​ൽ ആ​കു​ന്പോ​ൾ നേ​താ​ക്ക​ൾ ആ​ഹ്വാ​നം ചെ​യ്താ​ൽ മ​തി. ബാ​ക്കി അ​ണി​ക​ൾ വി​ജ​യി​പ്പി​ച്ചു​കൊ​ള്ളും. ഒ​രു ഫ്രീ ​അ​വ​ധി കൂ​ടി ആ​ഘോ​ഷി​ക്കാ​ൻ വെ​ന്പു​ന്ന​വ​രും ഹാ​പ്പി. പ്ര​ള​യ​ദു​ര​ന്ത​ത്തി​ൽ രാ​ജ്യ​ത്തി​നാ​കെ അ​ഭി​മാ​ന​മാ​യ രീ​തി​യി​ൽ ഒ​ന്നി​ച്ചു​പ്ര​വ​ർ​ത്തി​ച്ചു മാ​തൃ​ക​യാ​യ കേ​ര​ളജ​ന​ത ത​ന്നെ​യാ​ണ് ഹ​ർ​ത്താ​ൽ ഉ​ത്സ​വ​മാ​യി ആ​ഘോ​ഷി​ക്കു​ന്ന​തെ​ന്ന​തും ചി​ന്തി​ച്ചു തി​രു​ത്തേ​ണ്ടതാ​ണ്.

കാ​ല​ഹ​ര​ണ​പ്പെ​ട്ട ഹ​ർ​ത്താ​ൽ

പ​രി​ഷ്കൃ​ത സ​മൂ​ഹ​ത്തി​ലെ ഏ​റ്റ​വും പി​ന്തി​രി​പ്പ​ൻ സ​മ​ര​മു​റ​ക​ളി​ലൊ​ന്നാ​ണു ഹ​ർ​ത്താ​ൽ. ജ​ന​ങ്ങ​ളെ പ​രോ​ക്ഷ​മാ​യി 12 മ​ണി​ക്കൂ​ർ ബ​ന്ധി​യാ​ക്കു​ക​യാ​ണു സ​മ​ര​ക്കാ​ർ ചെ​യ്യു​ന്ന​ത്. വ​ള​രെ അ​ത്യാ​വ​ശ്യ​മാ​യി ആ​ശു​പ​ത്രി​ക​ളി​ൽ പോ​കേ​ണ്ടവ​ർ​ക്കും ദീ​ർ​ഘ​ദൂ​ര യാ​ത്ര​ക്കാ​ർ​ക്കും വി​ദേ​ശി​ക​ൾ അ​ട​ക്കം കേ​ര​ള​ത്തി​ലെ​ത്തു​ന്ന പ​തി​നാ​യി​ര​ക്ക​ണ​ക്കി​ന് സ​ഞ്ചാ​രി​ക​ൾ​ക്കും എ​ല്ലാം ക​ടു​ത്ത ദു​രി​തം സ​മ്മാ​നി​ക്കു​ന്ന സ​മ​രം. വ്യ​വ​സാ​യ, വ്യാ​പാ​ര ശാ​ല​ക​ളും സ​ർ​ക്കാ​ർ, പൊ​തു​മേ​ഖ​ലാ, സ്വ​കാ​ര്യ ഓ​ഫീ​സു​ക​ളും അ​ട​ച്ചി​ടു​ന്ന​തു വ​ഴി​യു​ണ്ടാ​കു​ന്ന പ്ര​വ​ർ​ത്തി ന​ഷ്ടം ശ​ത​കോ​ടി​ക​ളു​ടേ​താ​ണ്.

കെ​എസ്ആ​ർ​ടി​സി ബ​സു​ക​ൾ​ക്കും സ​ർ​ക്കാ​ർ വാ​ഹ​ന​ങ്ങ​ൾ​ക്കും ഓ​ഫീ​സു​ക​ൾ​ക്കും ക​ല്ലെ​റി​യു​ന്ന​വ​രി​ൽ നി​ന്നു ന​ഷ്ട​പ​രി​ഹാ​രം ഈ​ടാ​ക്കാ​നു​ള്ള ഹൈ​ക്കോ​ട​തി വി​ധി ഉ​ണ്ടാ​യ ശേ​ഷം പോ​ലും അ​ക്ര​മ​ങ്ങ​ൾ ആ​വ​ർ​ത്തി​ച്ചി​ട്ടു​ണ്ട്. അ​തി​ലേ​റെ പൗ​ര​ന്‍റെ സ​ഞ്ചാ​രം അ​ട​ക്ക​മു​ള്ള സ്വാ​ത​ന്ത്ര്യ​ത്തി​നു നേ​രേ​യു​ള്ള ക​ട​ന്നു​ക​യ​റ്റ​മാ​ണ് ഹ​ർ​ത്താ​ൽ. ഭ​ര​ണ​ഘ​ട​ന ഉ​റ​പ്പു​ന​ൽ​കു​ന്ന പൗ​ര​നു​ള്ള സ്വാ​ത​ന്ത്ര്യ​ങ്ങ​ൾ, സ​മ​ര​ത്തി​ന്‍റെ മ​റ​വി​ൽ ഒ​രു ജ​ന​ത​യ്ക്കാ​കെ നി​ഷേ​ധി​ക്കു​ന്ന​ത് ക​ടു​ത്ത മ​നു​ഷ്യാ​വ​കാ​ശ ലം​ഘ​ന​വു​മാ​ണ്.

ഹ​ർ​ത്താ​ലി​നെ​തി​രേ സ​മ​രം ന​ട​ത്തി​യ​വ​രും സ്വ​കാ​ര്യ ബി​ൽ കൊ​ണ്ടു​വ​ന്ന​വ​രും ഇ​ന്നു ഹ​ർ​ത്താ​ലി​ന് ആ​ഹ്വാ​നം ചെ​യ്യു​ന്ന​ത് വ​ലി​യ ദു​ര​ന്ത​മാ​ണ്. ഹ​ർ​ത്താ​ലി​നെ​തി​രേ സ​ത്യ​ഗ്ര​ഹ സ​മ​രം ന​ട​ത്തി​യ എം.​എം. ഹ​സ​ൻ ത​ന്നെ കെ​പി​സി​സി പ്ര​സി​ഡ​ന്‍റ് ആ​യ​പ്പോ​ൾ ഹ​ർ​ത്താ​ൽ തീ​രു​മാ​നം പ്ര​ഖ്യാ​പി​ക്കു​ന്ന​തു വ​ല്ലാ​ത്ത വി​രോ​ധാ​ഭാ​സം ത​ന്നെ.
‌
തീ​പി​ടി​ച്ച എ​ണ്ണ​ക്ക​ണ​ക്ക്

ന​രേ​ന്ദ്ര മോ​ദി സ​ർ​ക്കാ​രി​ന്‍റെ കാ​ല​ത്ത് 2016 മാ​ർ​ച്ചി​നു ശേ​ഷം മാ​ത്രം 23.38 രൂ​പ​യാ​ണ് ഒ​രു ലി​റ്റ​ർ പെ​ട്രോ​ളി​നു വി​ല കൂ​ട്ടി​യ​ത്! ഇ​ന്ന​ലെ ഒ​രു ദി​വ​സം മാ​ത്രം പെ​ട്രോ​ളി​ന് 48 പൈ​സ​യും ഡീ​സ​ലി​ന് 55 പൈ​സ​യു​മാ​ണ് കൂ​ട്ടി​യ​ത്. പെ​ട്രോ​ളി​ന്‍റെ​യും ഡീ​സ​ലി​ന്‍റെ​യും എ​ക്സൈ​സ് തീ​രു​വ ഗ​ണ്യ​മാ​യി കൂ​ട്ടി​യ​തി​നു പു​റ​മേ​യാ​ണി​ത്. 2014 ഓ​ഗ​സ്റ്റ് 15ന് ​ഡ​ൽ​ഹി​യി​ൽ ഒ​രു ലി​റ്റ​ർ പെ​ട്രോ​ളി​ന്‍റെ ചി​ല്ല​റ​വി​ൽപ്പ​നവി​ല 68.51 രൂ​പ​യാ​യി കു​റ​ഞ്ഞി​രു​ന്നു. 2015 ഫെ​ബ്രു​വ​രി 15ന് ​ഇ​ത് 57.31 രൂ​പ മാ​ത്രം. 2016 മാ​ർ​ച്ച് ഒ​ന്നി​ന് പെ​ട്രോ​ൾ വി​ല 56.61 രൂ​പ​യും.

അ​ന്താ​രാ​ഷ്‌​ട്ര വി​പ​ണി​യി​ലെ ക്രൂ​ഡ് ഓ​യി​ൽ വി​ല 2011-12 കാ​ല​ത്തേ​തി​നേ​ക്കാ​ൾ പ​കു​തി​യി​ലേ​റെ താ​ഴ്ന്ന​പ്പോ​ഴും മോ​ദി സ​ർ​ക്കാ​ർ പെ​ട്രോ​ൾ വി​ല ഉ​യ​ർ​ത്തി. 2011ൽ ​ക്രൂ​ഡ് ഓ​യി​ൽ വി​ല ബാ​ര​ലി​ന് 112 ഡോ​ള​ർ. പ​ക്ഷേ ഡ​ൽ​ഹി​യി​ലെ അ​ന്ന​ത്തെ പെ​ട്രോ​ൾ വി​ല 65.76 രൂ​പ മാ​ത്രം. ക്രൂ​ഡ് ഓ​യി​ലി​ന് ഇ​ന്ന​ത്തെ വി​ല ബാ​ര​ലി​ന് 76.58 ഡോ​ള​റാ​യി കു​റ​ഞ്ഞെ​ങ്കി​ലും പെ​ട്രോ​ൾ വി​ല 79.99 രൂ​പ​യാ​യി കു​ത്ത​നെ കൂ​ട്ടി.

ഇ​റ​ക്കു​മ​തി ചെ​യ്യു​ന്ന അ​സം​സ്കൃ​ത എ​ണ്ണ​യു​ടെ വി​ല​യി​ൽ 35.42 ഡോ​ള​റി​ന്‍റെ (ഒ​രു ബാ​ര​ലി​ന് ഏ​ക​ദേ​ശം 2,500 രൂ​പ) കു​റ​വു​ള്ള​പ്പോ​ഴും ഇ​ന്ത്യ​യി​ൽ പെ​ട്രോ​ളി​ന്‍റെ ചി​ല്ല​റ​വി​ൽ​പ്പനവി​ല കേ​ന്ദ്ര​സ​ർ​ക്കാ​ർ ലി​റ്റ​റി​ന് 14.23 രൂ​പ​യും എ​ക്സൈ​സ് തീ​രു​വ​യാ​യി 19.48 രൂ​പ​യും വീ​തം കൂ​ട്ടി. 2015-16ൽ ​ക്രൂ​ഡ് ഓ​യി​ൽ വി​ല 46 ഡോ​ള​ർ വ​രെ താ​ഴു​ക​യും ചെ​യ്തി​രു​ന്നു. പ​ക്ഷേ, പെ​ട്രോ​ൾ വി​ല കൂ​ട്ടു​ക​യാ​ണ് സ​ർ​ക്കാ​ർ ചെ​യ്ത​ത്.

ന​ടു​ക്കു​ന്ന ക​യ​റ്റു​മ​തി വി​ല

ഇ​ന്ത്യ​ൻ ഓ​യി​ൽ കോ​ർ​പ​റേ​ഷ​ന്‍റെ ക​ണ​ക്ക​നു​സ​രി​ച്ച് അ​സം​സ്​കൃ​ത പെ​ട്രോ​ളി​ന് 35.90 രൂ​പ​യും ഡീ​സ​ലി​ന് 38.25 രൂ​പ​യു​മാ​ണ് ഇ​ന്ത്യ​ൻ ക​ന്പ​നി​ക​ൾ​ക്ക് ചെ​ല​വു​ള്ള​ത്. ഇ​തി​ന്മേ​ലാ​ണ് സം​സ്ക​ര​ണ, വി​പ​ണ​ന ചെ​ല​വു​ക​ളും കേ​ന്ദ്ര, സം​സ്ഥാ​ന സ​ർ​ക്കാ​രു​ക​ളു​ടെ നി​കു​തി​ക​ളും ഈ​ടാ​ക്കു​ന്ന​ത്. പ​ക്ഷേ, ഇ​ന്ത്യ​യി​ൽ വി​ൽ​ക്കു​ന്ന​തി​ന്‍റെ പ​കു​തി വി​ല​യ്ക്ക് രാ​ജ്യം പെ​ട്രോ​ളും ഡീ​സ​ലും ക​യ​റ്റു​മ​തി ചെ​യ്യു​ന്നു​വെ​ന്ന​തും ന​ടു​ക്കു​ന്ന​താ​കും. മം​ഗ​ലാ​പു​രം റി​ഫൈ​ന​റി​യി​ൽ നി​ന്നു മാ​ത്രം ഹോ​ങ്കോം​ഗ്, മ​ലേ​ഷ്യ, മൗ​റീ​ഷ്യ​സ്, സിം​ഗ​പ്പൂ​ർ എ​ന്നി​വ മു​ത​ൽ യു​എ​ഇ വ​രെ​യു​ള്ള അ​ഞ്ചു രാ​ജ്യ​ങ്ങ​ൾ​ക്ക് പെ​ട്രോ​ളും ഡീ​സ​ലും ക​യ​റ്റു​മ​തി ചെ​യ്ത​താ​യി ക​ഴി​ഞ്ഞ ജ​നു​വ​രി​യി​ലെ വി​വ​രാ​വ​കാ​ശ രേ​ഖ വെ​ളി​പ്പെ​ടു​ത്തി.

പെ​ട്രോ​ൾ ലി​റ്റ​റി​ന് 34 മു​ത​ൽ 36 വ​രെ രൂ​പയും ​ഡീ​സ​ലി​ന് 32 മു​ത​ൽ 34 വ​രെ രൂ​പ​യു​മാ​ണ് ഇ​ന്ത്യ ക​യ​റ്റു​മ​തി ചെ​യ്ത വി​ല. എ​ന്തൊ​ക്കെ ന്യാ​യീ​ക​രി​ച്ചാ​ലും ഇ​ന്ത്യ​യി​ലെ പാ​വ​ങ്ങ​ളോ​ടു സ​ർ​ക്കാ​ർ ചെ​യ്യു​ന്ന ക്രൂ​ര​ത ദു​ര​ന്ത​വും പ്ര​തി​ഷേ​ധാ​ർ​ഹ​വു​മാ​ണ്. സം​സ്ക​രി​ച്ച എ​ണ്ണ​യു​ടെ ലോ​ക​ത്തി​ലെ പ​ത്താ​മ​ത്തെ വ​ലി​യ ക​യ​റ്റു​മ​തി രാ​ജ്യ​മാ​ണി​ന്ന് ഇ​ന്ത്യ. എ​ണ്ണ ഇ​റ​ക്കു​മ​തി​യി​ൽ മു​ന്നി​ലു​ള്ള രാ​ജ്യ​ത്താ​ണ് ഇ​ത്ര വ​ലി​യ ക​യ​റ്റു​മ​തി​യെ​ന്ന​ത് ഞെ​ട്ടി​ക്കു​ന്ന​താ​ണ്.

ന​ടു​വൊ​ടി​ക്കു​ന്ന നി​കു​തി​ഭാ​രം

നാ​ലു വ​ർ​ഷം കൊ​ണ്ടു ബി​ജെ​പി സ​ർ​ക്കാ​ർ പെ​ട്രോ​ളി​ന് 330 ശ​ത​മാ​ന​വും ഡീ​സ​ലി​ന് 126 ശ​ത​മാ​ന​വു​മാ​ണ് കേ​ന്ദ്ര​നി​കു​തി കൂ​ട്ടി​യ​ത്. മോ​ദി സ​ർ​ക്കാ​രി​ന്‍റെ നാ​ലു വ​ർ​ഷ​ത്തി​ൽ കേ​ന്ദ്ര എ​ക്സൈ​സ് തീ​രു​വ തു​ട​ർ​ച്ച​യാ​യി ഒ​ൻ​പ​തു ത​വ​ണ വ​ർ​ധി​പ്പി​ച്ചു. 2014 മു​ത​ൽ ലി​റ്റ​റി​ന് 9.48 രൂ​പ മു​ത​ൽ 2016 ജ​നു​വ​രി​യി​ൽ 21.48 രൂ​പ വ​രെ നി​കു​തി കു​ത്ത​നെ ഉ​യ​ർ​ത്തി. പ്ര​തി​ഷേ​ധം ഉ​യ​ർ​ന്ന​പ്പോ​ൾ പി​ന്നീ​ടു ര​ണ്ടു രൂ​പ തീ​രു​വ കു​റ​ച്ചു.

പ​ക്ഷേ ഇ​പ്പോ​ഴും ഓ​രോ ലി​റ്റ​റി​നും 19.48 രൂ​പ വീ​തം കേ​ന്ദ്ര​നി​കു​തി മാ​ത്രം ചു​മ​ത്തു​ന്നു​ണ്ട്. സം​സ്ഥാ​ന സ​ർ​ക്കാ​രു​ക​ൾ കൂ​ടി നി​കു​തി കൂ​ട്ടി​യ​തോ​ടെ പ​കു​തി വി​ല​യ്ക്ക് ല​ഭി​ക്കേ​ണ്ട പെ​ട്രോ​ൾ, ഡീ​സ​ൽ വി​ല​ക​ൾ​ക്ക് തീ​പി​ടി​ച്ചു. പെ​ട്രോ​ളി​യം ഉ​ത്പ​ന്ന​ങ്ങ​ളു​ടെ നി​കു​തി​യി​ൽ നി​ന്ന് ന​ട​പ്പു സാ​ന്പ​ത്തി​ക വ​ർ​ഷം മാ​ത്രം കേ​ന്ദ്ര​ത്തി​ന് 2.579 ല​ക്ഷം കോ​ടി രൂ​പ കി​ട്ടു​മെ​ന്നാ​ണു ധ​ന​മ​ന്ത്രാ​ല​യം ത​ന്നെ പ്ര​സി​ദ്ധീ​ക​രി​ച്ച റി​പ്പോ​ർ​ട്ടി​ലു​ള്ള​ത്.

ബി​ജെ​പി സ​ർ​ക്കാ​ർ അ​ധി​കാ​ര​ത്തി​ലെ​ത്തി​യ 2013-14 വ​ർ​ഷ​ത്തി​ൽ ല​ഭി​ച്ച 88,600 കോ​ടി രൂ​പ​യാ​യി​രു​ന്നു പെ​ട്രോ​ളി​യം ഉ​ത്പ​ന്ന​ങ്ങ​ളി​ൽ നി​ന്നു​ള്ള ആ​കെ നി​കു​തി വ​രു​മാ​നം. എ​ക്സൈ​സ് തീ​രു​വ​യി​ലെ ഈ ​വ​ർ​ഷ​ത്തെ വ​ർ​ധ​ന മാ​ത്രം നാ​ലു വ​ർ​ഷം മു​ന്പി​ലേ​തി​നേ​ക്കാ​ൾ 1,69,300 കോ​ടി രൂ​പ കൂ​ടി. ക​ഴി​ഞ്ഞ സാ​ന്പ​ത്തി​ക വ​ർ​ഷ​ത്തി​ലും 2.06 ല​ക്ഷം കോ​ടി രൂ​പ പെ​ട്രോ​ളി​യം നി​കു​തി​യി​ൽ നി​ന്നു മാ​ത്രം കേ​ന്ദ്ര​സ​ർ​ക്കാ​ർ സ്വ​ന്ത​മാ​ക്കി്. ജ​ന​ങ്ങ​ൾ എ​ത്ര ബു​ദ്ധി​മു​ട്ടി​യാ​ലും കേ​ന്ദ്ര​ത്തി​ന്‍റെ ഖ​ജ​നാ​വ് നി​റ​യ്ക്കു​ക.

കൊ​ള്ള​യ​ടി​ച്ചു ദാ​നം ചെ​യ്യ​രു​ത്

പ​ച്ച​മ​ല​യാ​ള​ത്തി​ൽ പ​റ​ഞ്ഞാ​ൽ സ​ർ​ക്കാ​രി​ന്‍റെ പ​ക​ൽ​ക്കൊ​ള്ള. മു​ൻ പ്ര​ധാ​ന​മ​ന്ത്രി മ​ൻ​മോ​ഹ​ൻ സിം​ഗി​ന്‍റെ വാ​ക്കു​ക​ൾ ക​ട​മെ​ടു​ത്താ​ൽ സം​ഘ​ടി​ത ക​വ​ർ​ച്ച​യും നി​യ​മാ​നു​സൃ​ത കൊ​ള്ള​യും. ക​ട​ക്കെ​ണി​യി​ലാ​യ ഇ​ന്ത്യ​യി​ലെ പാ​വ​പ്പെ​ട്ട​വ​രും ക​ർ​ഷ​ക​രും അ​ട​ക്ക​മു​ള്ള സാ​ധാ​ര​ണ​ക്കാ​രെ വ​രെ പി​ഴി​ഞ്ഞെ​ടു​ത്ത ഈ ​തു​ക​യി​ൽ നി​ന്നാ​ണു നേ​പ്പാ​ളി​നും ഉ​ഗാ​ണ്ടയ്ക്കും ​റു​വാ​ണ്ടയ്ക്കും ​അ​ട​ക്കം ആ​യി​ര​ക്ക​ണ​ക്കി​ന് കോ​ടി രൂ​പ​യു​ടെ ധ​ന​സ​ഹാ​യം പ്ര​ധാ​ന​മ​ന്ത്രി മോ​ദി പ്ര​ഖ്യാ​പി​ക്കു​ന്ന​തെ​ന്ന​തും കാ​ണാ​തെ പോ​കി​ല്ല.

നി​ത്യോ​പ​യോ​ഗ സാ​ധ​ന​ങ്ങ​ളു​ടെ​യും യാ​ത്ര​ക​ളു​ടെ​യും അ​ട​ക്കം സാ​ധാ​ര​ണ​ക്കാ​ര​ന്‍റെ ജീ​വി​ത​ത്തെ നേ​രി​ട്ടു പ്ര​യാ​സ​പ്പെ​ടു​ത്തു​ന്ന പെ​ട്രോ​ൾ, ഡീ​സ​ൽ, പാ​ച​ക​വാ​ത​ക വി​ല​ക​ൾ കു​റ​ച്ച് ആ​ശ്വാ​സം ന​ൽ​കു​ക​യെ​ന്ന​ത് ഒൗ​ദ്യാ​ര്യ​മ​ല്ല, മ​റി​ച്ച് പൗ​ര​ന്‍റെ അ​വ​കാ​ശ​മാ​ണ്. സാ​ധാ​ര​ണ ജ​ന​ങ്ങ​ൾ​ക്ക് ആ​ശ്വാ​സ​വും ക്ഷേ​മ​വും ഉ​റ​പ്പാ​ക്കു​ക​യെ​ന്ന​തു സ​ർ​ക്കാ​രി​ന്‍റെ ഉ​ത്ത​ര​വാ​ദി​ത്വ​വും ക​ട​മ​യു​മാ​ണ്.