നടനും താര സംഘടനയായ ‘അമ്മ’യുടെ ജനറല് സെക്രട്ടറിയുമായ ഇടവേള ബാബുവിന് ജന്മദിനാശംസകളുമായി മോഹന്ലാല്. ഇടവേളകളില്ലാതെ പ്രവർത്തിച്ചുകൊണ്ടിരിക്കുന്ന എന്റെ സഹോദരന് ജൻമദിനാശംസകൾ എന്നാണ് മോഹൻലാൽ സമൂഹമാധ്യമത്തിൽ കുറിച്ചത്.
ഇടവേളകളോ വിശ്രമമോ കൂടാതെ, വർഷങ്ങളായി സിനിമാപ്രവർത്തകരുടെ ക്ഷേമത്തിനായി പ്രവർത്തിക്കുന്ന എന്റെ പ്രിയ സഹോദരൻ ഇടവേള ബാബുവിന് ഹൃദയം നിറഞ്ഞ പിറന്നാൾ ആശംസകൾ’’, ഇടവേള ബാബുവിന്റെ പഴയ കാല ചിത്രത്തിനൊപ്പം മോഹൻലാൽ കുറിച്ചു.
1982ൽ 'ഇടവേള' എന്ന സിനിമയിലൂടെയാണ് ഇടവേള ബാബു സിനിമയിലെത്തിയത്.അമ്മനത്ത് ബാബു ചന്ദ്രൻ എന്നായിരുന്നു അദ്ദേഹത്തിന്റെ യഥാർഥ പേര്.
എന്നാൽ ആദ്യ ചിത്രത്തിന്റെ പേര് സ്വന്തം പേരുമായി ചേർത്താണ് ബാബു പിന്നീടുള്ള നാളുകളിൽ അറിയപ്പെട്ടു തുടങ്ങിയത്. മഹേഷും മാരുതിയും എന്ന സിനിമയിലാണ് ബാബു ഏറ്റവും ഒടുവിലായി വേഷമിട്ടത്.
ഇടവേളകളില്ലാതെ പ്രവർത്തിക്കുന്ന സഹോദരന്; ഇടവേള ബാബുവിന് ജൻമദിനാശംസകൾ നേർന്ന് മോഹൻലാൽ
03:11 PM Aug 11, 2023 | Deepika.com