നടൻ മഹേഷ് ബാബുവിന്റെ പുതിയ ചിത്രം ഗുണ്ടുർ കാരത്തിന്റെ പുതിയ പോസ്റ്റർ പുറത്തിറക്കി. താരത്തിന്റെ ജൻമദിനത്തോടനുബന്ധിച്ചാണ് പോസ്റ്റർ പുറത്തിറക്കിയത്. പോസ്റ്ററിൽ ഇതുവരെ കാണാത്ത ഗെറ്റപ്പിലാണ് താരം എത്തുന്നത്.
ചിത്രം 2024 ജനുവരി 12-ന് തിയറ്ററുകളിലെത്തും. ത്രിവിക്രമാണ് ചിത്രം സംവിധാനം ചെയ്യുന്നത്. പി.എസ്. വിനോദിന്റെ ക്യാമറയും എസ്. തമന്റെ സംഗീതവും ചിത്രത്തിന് മറ്റൊരു ഊർജമാണ് നൽകുന്നത്.
ഹാരിക ആൻഡ് ഹസിൻ ക്രിയേഷൻസിന്റെ ബാനറിൽ എസ്.രാധാകൃഷ്നും (ചൈന ബാബു) നാഗ വംശിയും ചേർന്നാണ് ചിത്രം നിർമിക്കുന്നത്. വമ്പൻ ബജറ്റിലാണ് ചിത്രം ഒരുങ്ങുന്നത്.
പൂജ ഹെഗ്ഡെയാണ് നായിക. ജോൺ എബ്രഹാം, ശ്രിലീല, ജഗപതി ബാബു തുടങ്ങിയവരും ചിത്രത്തിൽ പ്രധാന വേഷത്തിലെത്തുന്നുണ്ട്. ദേശീയ അവാർഡ് ജേതാവായ നവിൻ നൂലി എഡിറ്റിംഗ് നിർവഹിക്കുന്ന ചിത്രത്തിൽ എ.എസ്. പ്രകാശ് കലാസംവിധാനം നിർവഹിക്കുന്നു. പിആർഒ - ശബരി.
മഹേഷ് ബാബുവിന്റെ "ഗുണ്ടുർ കാരം'; ബെർത്ഡേ സ്പെഷ്യൽ പോസ്റ്റർ
10:01 AM Aug 10, 2023 | Deepika.com