നടി മഞ്ജു വാര്യർ സമൂഹമാധ്യമത്തിൽ പങ്കുവച്ച ചിത്രങ്ങളാണ് ഇപ്പോൾ ആരാധകർ ഏറ്റെടുത്തിരിക്കുന്നു. സൗഹൃദ ദിനത്തിന്റെ മനോഹരമായ ഒരു കുറിപ്പോട് കൂടിയാണ് ഏറ്റവും വേണ്ടപ്പെട്ട ചങ്ങാതികൾക്കൊപ്പമുള്ള ചിത്രങ്ങൾ മഞ്ജു പങ്കുവച്ചിരിക്കുന്നത്.
നിങ്ങൾ വീണത് മറ്റാരും ശ്രദ്ധിക്കാത്തപ്പോൾ നിങ്ങളെ ഉയർത്തുന്നവരാണ് യഥാർത്ഥ സുഹൃത്തുക്കൾ. ഞാൻ നിങ്ങളെ സ്നേഹിക്കുന്നു, എന്തുതന്നെയായാലും! എന്നാണ് ചിത്രങ്ങൾ പങ്കുവച്ച് മഞ്ജു വാര്യർ കുറിച്ചത്.
ചിത്രത്തിൽ മഞ്ജുവിന്റെ അമ്മ ഗിരിജയും സഹോദരൻ മധു വാര്യറും ഭാര്യയും മകളുമുണ്ട്. മറ്റ് ചിത്രങ്ങളിലെല്ലാം മഞ്ജുവിന്റെ സുഹൃത്തുക്കളാണ് നിറഞ്ഞു നിൽക്കുന്നത്.
നിവിൻ പോളി, ടൊവീനോ തോമസ്, കുഞ്ചാക്കോ ബോബൻ, പ്രിയ കുഞ്ചാക്കോ, രമേശ് പിഷാരടി, സംയുക്ത വർമ. ഭാവന, നീരജ് മാധവ്, ആർജെ മിഥുൻ തുടങ്ങിയവരുടെ ചിത്രങ്ങളാണ് താരം പങ്കുവച്ചിരിക്കുന്നത്. മഞ്ജുവിന്റെ മാനേജർ ബിനീഷ് ചന്ദ്രയും കുടുംബവും ചിത്രത്തിലുണ്ട്.
നിരവധി പേരാണ് താരത്തിന് സൗഹൃദ ദിനത്തിന്റെ ആശംസകൾ പങ്കുവച്ചെത്തിയിരിക്കുന്നത്. ജീവിതത്തിലെ ഏറ്റവും അമൂല്യമായ ഒന്നാണ് സൗഹൃദമെന്നും മുറുകെ പിടിക്കണമെന്നുമാണ് ആരാധകരുടെയും ആശംസ.