നവാഗതനായ ഡിനോ ഡെന്നിസ് സംവിധാനം ചെയ്യുന്ന ‘ബസൂക്ക’യിലെ ചിത്രീകരണം പൂർത്തിയാക്കി മമ്മൂട്ടി. 45 ദിവസത്തെ ഷൂട്ടായിരുന്നു ചിത്രത്തിൽ താരത്തിനുണ്ടായിരുന്നത്. ഗൗതം മേനോൻ അഭിനയിക്കുന്ന പ്രധാന സീക്വൻസുകളാണ് ഇനി ചിത്രീകരിക്കാനുള്ളത്.
രണ്ട് ആഴ്ചയ്ക്കുള്ളിൽ സിനിമയുടെ ചിത്രീകരണം മുഴുവനായും പൂർത്തിയാകും. പ്രശസ്ത തിരക്കഥാകൃത്ത് കലൂർ ഡെന്നിസിന്റെ മകനാണ് ഡിനോ ഡെന്നിസ്. ഹൈടെക് സാങ്കേതിക വിദ്യകളോടെയാണ് സിനിമയുടെ അവതരണം. ചിത്രീകരണം കൊച്ചിയിൽ പുരോഗമിക്കുന്നു.
ബസൂക്കയ്ക്കു ശേഷം മിഥുൻ മാനുവൽ തോമസ് സംവിധാനം ചെയ്യുന്ന ‘അബ്രഹാം ഓസ്ലർ’ എന്ന ജയറാം ചിത്രത്തിൽ മമ്മൂട്ടി അതിഥിയായി എത്തുന്നുണ്ട്.
സിനിമയിലെ നിർണായക കഥാപാത്രമായാണ് മമ്മൂട്ടി എത്തുന്നതെന്നാണ് സൂചന. ജയറാമിനെ നായകനാക്കി ഒരുക്കുന്ന ഒരു പൊലീസ് ഇൻവെസ്റ്റിഗേഷൻ ത്രില്ലറാണ് അബ്രഹാം ഓസ്ലര്.
ഡിനോ ഡെന്നീസിന്റെ ബസൂക്ക പൂർത്തിയാക്കി മമ്മൂട്ടി
03:39 PM Aug 06, 2023 | Deepika.com