നടി എസ്തർ അനിൽ ഇൻസ്റ്റഗ്രാമിൽ പങ്കുവച്ച കുറച്ച് സെൽഫികളാണ് ഇപ്പോൾ പ്രേക്ഷകരുടെ ഇടയിൽ ചർച്ചവിഷയം. ‘ഒരു ശരാശരി ഫെയ്സ്ബുക്ക് അമ്മാവന്റെ ഡിപി’ എന്ന അടിക്കുറിപ്പോടെയാണ് എസ്തർ തന്റെ തന്നെ കുറച്ച് സെൽഫികൾ സമൂഹമാധ്യമത്തിലൂടെ പങ്കുവച്ചത്.
എന്നാൽ ഫോട്ടോ സമൂഹമാധ്യമത്തിൽ വൈറലായതോടെ നിരവധി പേരാണ് താരത്തെ വിമർശിച്ചുകൊണ്ട് രംഗത്ത് വന്നത്.
കുട്ടി ഉദ്ദേശിച്ചത് ഫൺ ആണെങ്കിലും അങ്ങനെ തോന്നിയില്ലെന്നും ആദ്യമായി ഫോൺ ഉപയോഗിക്കുന്നവർക്ക് സെൽഫി വേണ്ട വണ്ണം എടുക്കാൻ അറിയില്ലായിരിക്കും. നാളെ ഈ കുട്ടിക്കും വയസായി അപ്പോഴത്തെ ടെക്നോളജി മുന്നിൽ വരുമ്പോൾ കാര്യം മനസിലാകുമെന്നും വിമർശകർ അഭിപ്രായപ്പെടുന്നു.
സമൂഹമാധ്യമങ്ങളിൽ നിറയെ വിമർശനമാണ് താരത്തിന് എത്തുന്നത്. സോഷ്യൽ മീഡിയയിൽ സജീവമായ എസ്തറിന് പലപ്പോഴും വിമർശനങ്ങൾ നേരിടേണ്ടി വന്നിട്ടുണ്ട്. വി 3 എന്ന തമിഴ് ചിത്രത്തിലാണ് എസ്തർ ഏറ്റവും ഒടുവിലായി അഭിനയിച്ചത്.
ഒരു ശരാശരി ഫെയ്സ്ബുക്ക് അമ്മാവന്റെ ഡിപി; എസ്തർ പങ്കുവച്ച ചിത്രത്തിന് വിമർശനം
01:18 PM Aug 03, 2023 | Deepika.com