ഐടി ഉദ്യോഗസ്ഥരായ ദമ്പതിമാരുടെ ഞെട്ടിപ്പിക്കുന്ന മരണത്തിന്റെ ചുരുളുകൾ നിവർത്തുന്ന കുരുക്ക് എന്ന ചിത്രത്തിന്റെ ഫസ്റ്റ് ലുക്ക് പുറത്തിറക്കി. അനിൽ ആന്റോയാണ് ചിത്രത്തിലെ കേന്ദ്രകഥാപാത്രത്തെ അവതരിപ്പിക്കുന്നത്.
പൂർണ്ണമായും ക്രൈം ത്രില്ലറായിട്ടാണ് ചിത്രം ഒരുക്കുന്നത്. നവാഗതനായ അഭിജിത്ത് നൂറണിയാണ് ചിത്രം തിരക്കഥ രചിച്ച് സംവിധാനം ചെയ്യുന്നത്. നിഷാ ഫിലിംസിന്റെ ബാനറിൽ ഷാജി പുനലാലാണ് ഈ ചിത്രം നിർമിക്കുന്നത്.
സെക്കന്റ് ഷോ എന്ന ചിത്രത്തിലൂടെ അഭിനയ രംഗത്തെത്തിയ അനിൽ ആന്റോ ഇമ്മാനുവൽ, ആർ.ജെ. മഡോണ, നാലാംമുറ, എനിക്കൊരു പ്രേമമുണ്ടാർന്ന് തുടങ്ങിയ ചിത്രങ്ങളിലൂടെ ശ്രദ്ധേയനാണ്.
ബാലാജി ശർമ്മ, മീരാ പ്രദീപ്, മഹേഷ്, ശ്രീജിത്ത് ശീകാന്ത്, സുബിൻ, ടാർസൻ എന്നിവരും പ്രധാന വേഷങ്ങളിലെത്തുന്നു.
ഗാനങ്ങൾ - രാജേഷ്, നീണ്ടകര, ഷാനി ഭുവൻ. സംഗീതം- യു.എസ്. ദീക്ഷിത്. ഛായാഗ്രഹണം -റെജിൻ സാന്റോ. കലാസംവിധാനം - രതീഷ് വലിയ കളങ്ങര. കോ-റൈറ്റർ ആൻഡ് ക്രിയേറ്റീവ് കോൺട്രിബ്യൂട്ടർ - ജിംഷാർ.
ചീഫ് അസോസിയേറ്റ് ഡയറക്ടർ - സുഹാസ് അശോകൻ. പ്രൊജക്റ്റ് ഡിസൈനർ - അഖിൽ അനിരുദ്ധ്. ഫിനാൻസ് മാനേജര് - അക്ഷയ് ജെ. ഫിനാൻസ് കൺട്രോളർ-സന്തോഷ് ബാലരാമപുരം. പ്രൊഡക്ഷൻ എക്സിക്യുട്ടീവ് കുര്യൻ ജോസഫ്. പ്രൊഡക്ഷൻ കൺട്രോളർ- മുരുകൻ.എസ്. പിആർഒ-വാഴൂർ ജോസ്.
അനിൽ ആന്റോയുടെ നായകവേഷം; "കുരുക്ക്' ഫസ്റ്റ് ലുക്ക്
03:14 PM Jul 25, 2023 | Deepika.com