നടി മിയ ജോർജിനെ പ്രശംസിച്ച് സംവിധായകൻ ബോബൻ സാമുവേൽ. കാമറക്ക് മുന്നിൽ എത്തിയിട്ട് 15 കൊല്ലമായെന്നും ആദ്യ സീരിയൽ "അൽഫോൻസാമ്മ'യുടെ സംവിധായകനായ ബോബൻ സാമുവേലിന് നന്ദിയുണ്ടെന്നും കഴിഞ്ഞ ദിവസം മിയ സമൂഹമാധ്യമത്തിൽ കുറിപ്പ് പങ്കുവച്ചിരുന്നു.
ഇത് ഷെയർ ചെയ്താണ് ബോബൻ സാമുവേൽ താരത്തെ പ്രശംസിച്ചത്. ഇതൊക്കെ സിനിമയിൽ പതിവ് ഉള്ളതാണോയെന്നും വന്ന വഴി മറക്കുന്നവർക്കിടയിൽ ഇത്തരം നല്ല മനസുകൾ കാണുന്പോൾ സന്തോഷമുണ്ടെന്നുമാണ് അദ്ദേഹം പറഞ്ഞത്.
ഇതൊക്കെ സിനിമയിൽ പതിവ് ഉണ്ടോ? വന്ന വഴി മറക്കുന്നവരും പുറം തിരിഞ്ഞ് നിൽക്കുന്നവരുടെ ഇടയിൽ ഇങ്ങനെയും ഉള്ള നല്ല മനസുകൾ കാണുമ്പോൾ ഒരു പാട് സന്തോഷം എന്നാണ് ബോബൻ കുറിച്ചത്.
പതിനഞ്ചു വർഷങ്ങൾക്കു ശേഷം ബോബൻ സാമുവലിനൊപ്പം നിൽക്കുന്ന ചിത്രം പങ്കുവച്ച് മിയ എഴുതിയ വാക്കുകൾ സമൂഹമാധ്യമങ്ങളിൽ ചർച്ചയായിരുന്നു.
ഈ രണ്ട് ചിത്രങ്ങൾ തമ്മിൽ 15 വർഷങ്ങളുടെ അന്തരം ഉണ്ട്. അഭിനയം എന്ന കലയെ കുറിച്ച് ഒന്നുമറിയാത്ത ഞാനും അഭിനയം കരിയർ ആക്കി മാറ്റിയ ഞാനും തമ്മിൽ ഉള്ള അന്തരം..സിനിമ മേഖലയിലെ ഞാൻ ആദ്യമായി കണ്ട ഡയറക്ടർ ആണ് എന്റെ ഒപ്പം.
ബോബൻ സാമുവൽ.2008-ൽ അൽഫോൻസാമ്മ സീരിയലിൽ മാതാവായി എന്നെ സെലക്ട് ചെയ്തില്ലായിരുന്നു എങ്കിൽ എനിക്ക് അറിയില്ല ഞാൻ ഈ മേഖലയിൽ വരുമായിരുന്നോ എന്ന് പോലും..
ഇപ്പൊ 15 വർഷങ്ങൾ കൂടി വളർന്നു, 2023 വന്നു നിൽക്കുമ്പോൾ മനസിൽ സന്തോഷവും അഭിമാനവും മാത്രം..ഒരുപാട് നന്ദി ബോബൻ സാർ. മിയയുടെ വാക്കുകൾ.
ഇതൊക്കെ സിനിമയിൽ പതിവുണ്ടോ? വന്ന വഴി മറക്കുന്നവരാണ് പലരും; മിയയെ പ്രശംസിച്ച് ബോബൻ സാമുവേൽ
12:16 PM Jul 24, 2023 | Deepika.com