ഉമ്മൻ ചാണ്ടിയെ അധിക്ഷേപിച്ച് ഫേസ്ബുക്ക് ലൈവിലൂടെ സംസാരിച്ച നടൻ വിനായകനെതിരെ ബിഗ് ബോസ് സീസൺ 5 ജേതാവും സംവിധായകനുമായ അഖിൽ മാരാർ.
‘മനുഷ്യനാകണം...മനുഷ്യനാകണം...പണ്ടേ തള്ളി കളഞ്ഞതാണ്..ഒരോർമപെടുത്തൽ മാത്രം.’–അഖിൽ മാരാർ സമൂഹമാധ്യമത്തിൽ കുറിച്ചു.
വിനായകനെതിരെ നടപടി ആവശ്യപ്പെട്ട് ഡിജിപിക്കും കൊച്ചി സിറ്റി പൊലീസ് കമ്മിഷണര്ക്കും യൂത്ത് കോണ്ഗ്രസ് നേതാക്കള് പരാതി നൽകി.
ഫെയ്സ്ബുക് ലൈവിലെത്തിയായിരുന്നു ഉമ്മൻ ചാണ്ടിക്കെതിരെ വിനായകൻ അധിക്ഷേപ പരാമർശങ്ങൾ നടത്തിയത്. ആരാണ് ഈ ഉമ്മൻ ചാണ്ടി, എന്തിനാണ് മൂന്നു ദിവസം അവധി തുടങ്ങിയ ആരോപണങ്ങളാണ് ഫെയ്സ്ബുക് ലൈവിലെത്തി വിനായകൻ പറഞ്ഞത്. വ്യാപക പ്രതിഷേധം ഉയർന്നതിന് പിന്നാലെ നടൻ തന്നെ പോസ്റ്റ് പിൻവലിക്കുകയായിരുന്നു.
‘‘ആരാണ് ഈ ഉമ്മൻ ചാണ്ടി, എന്തിനാടോ മൂന്ന് ദിവസമൊക്കെ, നിർത്തിയിട്ട് പോ, പത്രക്കാരോടാണു പറയുന്നത്. എന്റെ അച്ഛനും ചത്തു, നിങ്ങളുടെ അച്ഛനും ചത്തു. അതിനിപ്പോ ഞങ്ങളെന്തു ചെയ്യണം.
നല്ലവനാണെന്നു നിങ്ങൾ വിചാരിച്ചാലും ഞാൻ വിചാരിക്കില്ല. കരുണാകരന്റെ കാര്യം നോക്കിയാൽ നമ്മൾക്കറിയില്ലേ ഇയാൾ ആരൊക്കെയാണെന്ന്. വിനായകന്റെ പരാമർശം ഇങ്ങനെ.
മനുഷ്യനാകണം, പണ്ടേ തള്ളി കളഞ്ഞതാണ്: വിനായകനെതിരെ അഖിൽ മാരാർ
04:52 PM Jul 20, 2023 | Deepika.com