ഗായിക അമൃത സുരേഷും സംഗീതസംവിധായകനും ഗോപിസുന്ദറും വേർപിരിഞ്ഞു എന്ന വാർത്തയാണ് ഇപ്പോൾ സമൂഹമാധ്യമങ്ങളിലെ ചർച്ച.
ഇരുവരും ഇൻസ്റ്റഗ്രാമിൽ പരസ്പരം അൺഫോളോ ചെയ്തു എന്നാണ് കണ്ടെത്തിയിരിക്കുന്നത്. മാത്രമല്ല പ്രണയം വെളിപ്പെടുത്തിക്കൊണ്ടുള്ള പോസ്റ്റും സമൂഹമാധ്യമത്തിൽ നിന്നും നീക്കം ചെയ്തു എന്നായിരുന്നു കണ്ടെത്തൽ.
എന്നാൽ ഇതിനെല്ലാം മറുപടിയെന്ന പോലെ ഗോപിസുന്ദർ ഇരുവരും ഒന്നിച്ചുള്ള ഒരു ചിത്രവുമായെത്തി. എല്ലാവർക്കും സുപ്രഭാതം എന്നു പറഞ്ഞുകൊണ്ടുള്ള പോസ്റ്റിൽ അമൃത സുരേഷിനെ ചേർത്ത് നിർത്തിയുള്ള ഫോട്ടോയാണ് ഗോപിസുന്ദർ പങ്കുവച്ചിരിക്കുന്നത്.
2021 മേയിലാണ് ഇരുവരും ഒന്നിച്ചുള്ള ജീവിതം ആരംഭിക്കുകയാണ് ആരാധകരെ അറിയിച്ചത്. ജീവിതത്തിലെ വിഷമഘട്ടങ്ങള് പിന്നിട്ട് ഒരുമിച്ചു ഒരു മനോഹര യാത്ര ആരംഭിക്കുകയാണെന്നും ആരാധകരുടെ സ്നേഹവും പ്രാർഥനയും എന്നും തങ്ങളുടെ കൂടെ ഉണ്ടാകുമെന്നു പ്രതീക്ഷിക്കുന്നതായും കുറിച്ചുകൊണ്ടാണ് ഗോപി സുന്ദറുമായുള്ള പ്രണയം അമൃത പരസ്യമാക്കിയത്.
അമൃതയും ഗോപിസുന്ദറും വേർപിരിഞ്ഞു! പിന്നാലെ ഒന്നിച്ചുള്ള ചിത്രവുമായി ഗോപിസുന്ദർ
10:49 AM Jul 20, 2023 | Deepika.com