11 വർഷത്തിന് ശേഷം സുരേഷ് ഗോപിയും ബിജു മേനോനും ഒന്നിക്കുന്ന ചിത്രമാണ് ഗരുഡൻ. നവാഗതനായ അരുണ്‍ വര്‍മ്മയാണ് ചിത്രം സംവിധാനം ചെയ്യുന്നത്. മാജിക് ഫ്രെയിംസ് ഫിലിംസിന്‍റെ ബാനറില്‍ ലിസ്റ്റിന്‍ സ്റ്റീഫന്‍ ആണ് ചിത്രം നിര്‍മിക്കുന്നത്.
ക്രൈം ത്രില്ലര്‍ മോഡലില്‍ ഒരുങ്ങുന്ന ചിത്രത്തിന് തിരക്കഥ ഒരുക്കുന്നത് മിഥുന്‍ മാനുവല്‍ തോമസ് ആണ്. അഞ്ചാം പാതിരാ എന്ന ക്രൈം ത്രില്ലര്‍ ഹിറ്റ് ചിത്രത്തിന് ശേഷം മിഥുന്‍ മാനുവല്‍ തോമസ് തിരക്കഥ എഴുതുന്ന ചിത്രം കൂടിയാണ് ഇത്.
കളിയാട്ടം, പത്രം, എഫ്ഐആര്‍, ക്രിസ്ത്യന്‍ ബ്രദേഴ്സ്, ട്വന്‍റി-ട്വന്‍റി തുടങ്ങിയ നിരവധി ഹിറ്റ് ചിത്രങ്ങളില്‍ ഇവര്‍ ഒരുമിച്ചെത്തിയിരുന്നു. 2010 ല്‍ രാമരാവണന്‍ എന്ന സിനിമയായിരുന്നു സുരേഷ് ഗോപിക്കൊപ്പം ബിജു മേനോന്‍ അവസാനമായി അഭിനയിച്ചത്. അതിന് ശേഷം ഇരുവരും ഒന്നിക്കുന്ന ചിത്രം കൂടിയാണ് ഗരുഡന്‍.
ജിനീഷ് എം ആണ് കഥ. ഛായഗ്രഹണം അജയ് ഡേവിഡ് കാച്ചപ്പിള്ളിയാണ്. സംഗീതവും പശ്ചാത്തലസംഗീതവും ഒരുക്കിയിരിക്കുന്നത് ജേക്ക്‌സ് ബിജോയ്.
എഡിറ്റര്‍- ശ്രീജിത്ത് സാരംഗ്, കലാ സംവിധാനം- അനീസ് നാടോടി, കോ- പ്രൊഡ്യൂസര്- ജസ്റ്റിന്‍ സ്റ്റീഫന്‍ , ലൈന്‍ പ്രൊഡ്യൂസര്- സന്തോഷ് കൃഷ്ണന്‍, എക്‌സിക്യൂട്ടീവ് പ്രൊഡ്യൂസര്- നവീന്‍ പി. തോമസ്.
അഡ്മിനിസ്‌ട്രേഷന്‍ ആന്‍ഡ് ഡിസ്ട്രിബ്യൂഷന്‍ ഹെഡ്- ബബിന്‍ ബാബു, പ്രൊഡക്ഷന് കണ്ട്രോളര്- ഡിക്‌സണ്‍ പൊടുത്താസ്, പ്രൊഡക്ഷന് ഇന്‍ ചാര്‍ജ്- അഖില്‍ യശോധരന്‍. മേക്കപ്പ്- റോണക്‌സ് സേവ്യര്‍,
കോസ്റ്റ്യൂം- സ്റ്റെഫി സേവ്യര്‍, മാര്‍ക്കറ്റിംഗ്- ഒബ്സ്‌ക്യുറ, മാര്‍ക്കറ്റിംഗ് കണ്‍സള്‍ട്ടന്‍റ്- ബിനു ബ്രിംഗ് ഫോര്‍ത്ത്. ഡിസൈന്‍സ്- ആന്‍റണി സ്റ്റീഫന്‍. പിആര്‍ഒ- വാഴൂര്‍ ജോസ്, മഞ്ജു ഗോപിനാഥ്, സ്റ്റിൽസ് -ശാലു പേയാട്.