മകൾ ഉത്തര ഉണ്ണിയുടെ സീമന്തം ചടങ്ങുകളുടെ വീഡിയോ പങ്കുവച്ച് നടി ഊർമിള ഉണ്ണി. നടിയും നർത്തകിയുമായ മകൾ ഉത്തര ഉണ്ണി വ്യാഴാഴ്ചയാണ് പെൺകുഞ്ഞിന് ജൻമം നൽകിയത്. ഏഴാം മാസം നടത്തുന്ന ഈ ചടങ്ങിന്റെ വീഡിയോ കഴിഞ്ഞ ദിവസമാണ് പങ്കുവച്ചത്.
ചടങ്ങുകളിൽ ഉടനീളം നടിയും ഊർമിള ഉണ്ണിയുടെ സഹോദരിയുടെ മകളുമായ സംയുക്ത വർമയും ഉണ്ടായിരുന്നു. ഊർമിളയാണ് വീഡിയോയിൽ ഓരോ ചടങ്ങുകളുടെയും വിവരണം നൽകുന്നത്.
സീമന്തം ചടങ്ങിലെ ഓരോ ആചാരങ്ങളും അനുഷ്ഠാനങ്ങളും എന്തിനാണെന്നും എല്ലാം വിശദമായി അവർ പറയുന്നുണ്ട്.
കുഞ്ഞിന് ധീമഹീ നിതേഷ് നായർ എന്നാണ് പേര് നൽകിയിരിക്കുന്നത്. ധീമഹീ എന്നാൽ ജ്ഞാനിയും ബുദ്ധിമതിയും എന്നാണ്. ഗായത്രി മന്ത്രത്തിൽ അത് സൂചിപ്പിക്കുന്നത് ഒരാൾ അവരുടെ ആന്തരിക ദൈവിക ഊർജ്ജങ്ങളെ സജീവമാക്കണം എന്നാണ്.
സൂര്യഗായത്രിയിലും ഗണേശ ഗായത്രിയിലും എല്ലാ ഗായത്രികളിലും അതുണ്ട്, നിങ്ങളുടെ പ്രാർഥനകൾക്കും ആശംസകൾക്കും നന്ദി. കുഞ്ഞിന്റെ പേര് പങ്കുവച്ച് ഉത്തര കുറിച്ചു.
2021ലായിരുന്നു ഉത്തരയുടെയും ബംഗളൂരുവിൽ ബിസിനസുകാരനായ നിതേഷ് നായരുടെയും വിവാഹം.
ഭരതനാട്യം നർത്തകിയായ ഉത്തര ‘വവ്വാൽ പശങ്ക’ എന്ന തമിഴ് ചിത്രത്തിലൂടെയാണ് സിനിമയിൽ അരങ്ങേറ്റം കുറിച്ചത്. ലെനിൻ രാജേന്ദ്രന്റെ ‘ഇടവപ്പാതി’ ആയിരുന്നു ഉത്തരയുടെ ആദ്യമലയാള ചിത്രം.