നടിയും നൃത്തകിയുമായ ഉത്തര ഉണ്ണിയ്ക്കും ഭർത്താവ് നിതേഷ് നായർക്കും കുഞ്ഞ് പിറന്നു. പെൺകുഞ്ഞിനാണ് ഉത്തര ജൻമം നൽകിയത്. കുഞ്ഞ് ജനിച്ച സന്തോഷം ഉത്തരയാണ് സമൂഹമാധ്യമത്തിൽ പങ്കുവച്ചത്.
ദൈവത്തിന്റെ കൃപയാൽ ഞങ്ങൾക്ക് ഒരു പെൺകുഞ്ഞ് ജനിച്ചു. ധീമഹീ നിതേഷ് നായർ എന്നാണ് പേര്. ധീമഹീ എന്നാൽ ജ്ഞാനിയും ബുദ്ധിമതിയും എന്നാണ്. ഗായത്രി മന്ത്രത്തിൽ അത് സൂചിപ്പിക്കുന്നത് ഒരാൾ അവരുടെ ആന്തരിക ദൈവിക ഊർജ്ജങ്ങളെ സജീവമാക്കണം എന്നാണ്.
സൂര്യഗായത്രിയിലും ഗണേശ ഗായത്രിയിലും എല്ലാ ഗായത്രികളിലും അതുണ്ട്, നിങ്ങളുടെ പ്രാർഥനകൾക്കും ആശംസകൾക്കും നന്ദി. ഉത്തര കുറിച്ചു.
നടി ഊർമിള ഉണ്ണിയുടെ മകളായ ഉത്തരയുടെ വിവാഹം 2021ലായിരുന്നു. താരത്തിന്റെ സീമന്തം വീഡിയോയും ഗർഭകാല ചിത്രങ്ങളും സമൂഹമാധ്യമങ്ങളിൽ പങ്കുവച്ചിരുന്നു. ഉത്തരയ്ക്കും നിതേഷിനും ആശംസകളറിയിച്ച് നിരവധി പേരാണ് എത്തുന്നത്.