കുഞ്ചാക്കോ ബോബൻ നായകനാകുന്ന ‘പദ്മിനി’യുടെ റിലീസ് മാറ്റിവച്ചതായി അണിയറ പ്രവർത്തകർ അറിയിച്ചു. ജൂലൈ ഏഴിനാണ് ചിത്രത്തിന്റെ റിലീസ് നിശ്ചയിച്ചിരുന്നത്.
എന്നാൽ കേരളത്തിലെ പ്രതികൂലമായ കാലാവസ്ഥയിൽ ജനങ്ങൾ ബുദ്ധിമുട്ടുന്ന ഈ സമയത്ത് സിനിമയുടെ റിലീസ് നീട്ടിവയ്ക്കുകയാണെന്ന് അണിയറ പ്രവർത്തകർ അറിയിച്ചു.
കുഞ്ചാക്കോ ബോബനെ നായകനാക്കി സെന്ന ഹെഗ്ഡേ സംവിധാനം ചെയ്യുന്ന ചിത്രമാണ് പദ്മിനി. ചിത്രത്തിൽ മൂന്ന് നായികമാരാണുള്ളത്.അപർണ ബാലമുരളി, വിൻസി അലോഷ്യസ്, മഡോണ സെബാസ്റ്റ്യൻ എന്നിവരാണ് നായികമാർ.
തിങ്കളാഴ്ച നിശ്ചയം, 1744 വൈറ്റ് ഓൾട്ടോ എന്നീ സിനിമകൾക്ക് ശേഷം സെന്ന ഹേഗ്ഡെ സംവിധാനം ചെയ്യുന്ന ചിത്രമാണ് പദ്മിനി.
ലിറ്റിൽ ബിഗ് ഫിലിംസിന്റെ ബാനറിൽ സുവിൻ വർക്കി, പ്രശോഭ് കൃഷ്ണ എന്നിവരാണ് ചിത്രം നിർമിക്കുന്നത്. കുഞ്ഞിരാമായണത്തിന്റെ തിരക്കഥാകൃത്ത് ദീപു പ്രദീപാണ് പദ്മിനിയുടെയും രചന നിർവഹിക്കുന്നത്.
മാളവിക മേനോൻ, ആതിഫ് സലിം, സജിൻ ചെറുകയിൽ, ഗണപതി, ആനന്ദ് മന്മഥൻ, സീമ ജി. നായർ, ഗോകുലൻ, ജെയിംസ് ഏലിയ എന്നിവരാണ് മറ്റ് അഭിനേതാക്കൾ.
പദ്മിനി ഒരു നർമ പ്രാധാന്യമുള്ള ചിത്രമായിരിക്കും എന്നാണ് അണിയറ പ്രവർത്തകർ പറയുന്നത്. രമേശൻ എന്ന കഥാപാത്രമായി ചാക്കോച്ചൻ എത്തുന്നു.
ഛായാഗ്രഹണം-ശ്രീരാജ് രവീന്ദ്രൻ, സംഗീതം-ജേയ്ക്സ് ബിജോയ്, എഡിറ്റർ-മനു ആന്റണി, പ്രൊഡക്ഷൻ കോൺട്രോളർ- മനോജ് പൂങ്കുന്നം, കലാസംവിധാനം-അർഷാദ് നക്കോത്,
വസ്ത്രാലങ്കാരം-ഗായത്രി കിഷോർ, മേക്കപ്പ്-രഞ്ജിത് മണലിപറമ്പിൽ, എക്സിക്യൂട്ടീവ് പ്രൊഡ്യൂസർ- വിനീത് പുല്ലൂടൻ, സ്റ്റിൽസ്- ഷിജിൻ പി .രാജ്, പോസ്റ്റർ ഡിസൈൻ- യെല്ലോടൂത്ത്, ചീഫ് അസോസിയേറ്റ്- ഡയറക്ടർസ് വിഷ്ണു ദേവ്, ശങ്കർ ലോഹിതാക്ഷൻ,
ഡിജിറ്റൽ മാർക്കറ്റിംഗ് –പിആർഒ- വൈശാഖ് സി. വടക്കേവീട്, മീഡിയ പ്ലാനിംഗ്–മാർക്കറ്റിംഗ് ഡിസൈൻ പപ്പെറ്റ് മീഡിയ.
കാലാവസ്ഥ പ്രതികൂലം; കുഞ്ചാക്കോ ബോബൻ ചിത്രം പദ്മിനിയുടെ റിലീസ് നീട്ടി
12:08 PM Jul 06, 2023 | Deepika.com