വ്യാജ പ്രവൃത്തിപരിചയ സർട്ടിഫിക്കറ്റ് കേസില് എസ്എഫ്ഐ മുൻ നേതാവ് കെ. വിദ്യയെ അറസ്റ്റ് ചെയ്ത സംഭവത്തിൽ പോലീസിനെ പരിഹസിച്ച് നടൻ ഹരീഷ് പേരടി.
ആമസോൺ കാടുകളേക്കാൾ വന്യമൃഗങ്ങളുള്ള മനുഷ്യവാസമില്ലാത്ത കോഴിക്കോട് ജില്ലയിലെ മേപ്പയൂരിൽ നിന്നും വെറും 16 ദിവസങ്ങൾകൊണ്ട് കെ. വിദ്യയെ കസ്റ്റഡിയിൽ എടുത്തതെന്നും ഇത് കേരള പൊലീസിന്റെ കിരീടത്തിലെ പൊൻതൂവലാണെന്നും ഹരീഷ് പേരടി പറയുന്നു.
അറ്റ്ലാന്റിക്ക് സമുദ്രത്തിന്റെ നിഗൂഡതകളിൽ കാണാതായ അന്തർവാഹിനിയെ കണ്ടെത്താൻ കഴിയാതെ അമേരിക്കയുടെയും കാനഡയുടെയും നേവിയും കോസ്റ്റ് ഗാർഡും ലോകത്തിനു മുന്നിൽ തലതാഴ്ത്തി നിൽക്കുമ്പോൾ..
എന്തിന് ആമസോൺ കാടുകളിൽനിന്ന് നാല് കുട്ടികളെ കണ്ടെത്താൻ മാസങ്ങൾ എടുത്ത കൊളംബിയൻ സൈന്യം പോലും കേരളാ പോലീസിന്റെ മുന്നിൽ ഇന്ന് നാണം കെട്ടു...
അറ്റലാന്റിക്ക് സമുദ്രത്തേക്കാൾ നിഗുഡതയുള്ള ആമസോൺ കാടുകളെക്കാൾ വന്യമൃഗങ്ങളുള്ള മനുഷ്യവാസമില്ലാത്ത കോഴിക്കോട് ജില്ലയിലെ മേപ്പയൂരിൽ നിന്ന് വെറും 16 ദിവസങ്ങൾകൊണ്ട് കെ. വിദ്യയെ കസ്റ്റഡിയിൽ എടുത്തു...
ഇത് കേരളാപോലീസിന്റെ കീരിടത്തിലെ പൊൻതൂവലാണ്..ലോകത്തിനുതന്നെ മാതൃകയാണ് എന്റെ നമ്പർ വൺ കേരളം.
16 ദിവസംകൊണ്ട് വിദ്യ കസ്റ്റഡിയിൽ; കേരളപോലീസിന്റെ പൊൻതൂവൽ; ട്രോളി ഹരീഷ് പേരടി
12:16 PM Jun 22, 2023 | Deepika.com