വൈകല്യമുള്ള കുഞ്ഞുങ്ങളെ ചേർത്തുപിടിച്ച് അവർക്കൊപ്പം ഇരിക്കുന്ന നടൻ വിജയിയുടെ വീഡിയോയാണ് ഇപ്പോൾ വൈറൽ. പത്ത്, പ്ലസ് ടു ക്ലാസുകളില് ഉന്നത വിജയം നേടിയ വിദ്യാര്ഥികളെ ആദരിക്കാനായി നടത്തിയ "വിജയ് മക്കള് ഇയക്കം' എന്ന പരിപാടിയിലാണ് വിജയ് കുഞ്ഞുങ്ങൾക്കൊപ്പം ചേർന്നിരുന്നത്.
വൈകല്യമുള്ള കുരുന്നുകൾക്കൊപ്പം വിജയ് ഇടപഴകുന്നത് വീഡിയോയിൽ കാണാം. ഇരുകൈകളും ഇല്ലാത്ത ഒരു കുട്ടി ആരാധകൻ നൽകിയ സമ്മാനം നെഞ്ചോട് ചേർത്തിരിക്കുന്ന വിജയിയെയും വീഡിയോയിൽ കാണാം.
ജന്മന നടക്കാൻ സാധിക്കാതെ കിടപ്പിലായ കുഞ്ഞിന്റെ അടുത്തിരുന്ന് സർട്ടിഫിക്കറ്റും വിജയ് കൈമാറുന്നുണ്ട്.
തമിഴ്നാട്ടിലെ 234 നിയോജക മണ്ഡലങ്ങളിലെ എച്ച്എസ്സി, എസ്എസ്എൽസി ഗ്രേഡുകളിലെ മികച്ച മൂന്ന് റാങ്കുകാരെ കണ്ടെത്തി ആദരിക്കുന്ന ചടങ്ങിലാണ് വിജയ് പങ്കെടുത്തത്.
വിദ്യാർഥികൾക്ക് സമ്മാനത്തുകയും സർട്ടിഫിക്കറ്റും വിജയ് വിതരണം ചെയ്തു. പൊതുജനങ്ങളെ ശല്യപ്പെടുത്തുന്ന രീതിയിൽ താൻ പങ്കെടുക്കുന്ന ചടങ്ങ് പ്രമോട്ട് ചെയ്യരുത് എന്ന് അദ്ദേഹം ആരാധകരോട് അഭ്യർഥിച്ചിരുന്നു.
അതിനിടെ, വിജയുടെ രാഷ്ട്രീയ പ്രവേശനത്തെക്കുറിച്ചുള്ള ചർച്ചകൾ ചൂടുപിടിക്കുകയാണ്. 2026 ലെ തമിഴ്നാട് തിരഞ്ഞെടുപ്പാണ് താരം ലക്ഷ്യമിടുന്നതെന്നും അതിനാലാണ് ഇത്തരം ക്ഷേമപ്രവർത്തനങ്ങൾ നടത്തുന്നതെന്നുമാണ് ചിലരുടെ അഭിപ്രായം.