പ്രഭാസ് നായകനായെത്തിയ ബിഗ് ബജറ്റ് ചിത്രം ‘ആദിപുരുഷ്’ സിനിമ മോശമാണെന്നു പറഞ്ഞ പ്രേക്ഷകനെ മർദിച്ച് താരത്തിന്റെ ആരാധകർ. കർണാടകയിൽ തിയറ്ററിനു മുന്നിൽ വച്ചാണ് ആരാധകർ യുവാവിനെ ആക്രമിച്ചത്.
സിനിമ കണ്ടിറങ്ങിയ ശേഷം തന്റെ അഭിപ്രായം മാധ്യമങ്ങൾക്കു മുന്നിൽ പങ്കുവയ്ക്കുന്നതിനിടെയാണ് യുവാവിനെ ഒരുകൂട്ടം ആളുകൾ വളഞ്ഞിട്ട് ആക്രമിച്ചത്.
താനാജിക്കു ശേഷം ഓം റൗട്ട് സംവിധാനം ചെയ്യുന്ന ചിത്രത്തില് രാഘവ എന്ന കഥാപാത്രമായി പ്രഭാസും ലങ്കേഷ് എന്ന വില്ലൻ കഥാപാത്രമായി സെയ്ഫ് അലിഖാനും എത്തുന്നു. ജാനകിയായി കൃതി സനോണും ലക്ഷ്മണനായി സണ്ണി സിംഗും ഹനുമാന്റെ വേഷത്തിൽ ദേവദത്ത നാഗേയുമാണ് എത്തുന്നത്.
500 കോടി ബജറ്റിലാണ് ചിത്രം ഒരുക്കിയത്. ഇതിൽ 120 കോടി പ്രഭാസിന്റെ മാത്രം പ്രതിഫലമാണ്. 250 കോടിയാണ് ചിത്രത്തിന്റെ വിഎഫ്എക്സിനായി ചിലവഴിച്ചിരിക്കുന്നത്
‘ആദിപുരുഷ്’ മോശമെന്ന് റിവ്യൂ; പറഞ്ഞയാളെ വളഞ്ഞിട്ട് മർദിച്ച് ആരാധകർ
11:58 AM Jun 16, 2023 | Deepika.com