പത്താം വിവാഹവാർഷികം ആഘോഷമാക്കി നടൻ ആസിഫ് അലിയും ഭാര്യ സമയും. മക്കളായ ആദമിനും ഹയയ്ക്കുമൊപ്പം വേദിയിലെക്കെത്തിയ ഇരുവർക്കും ആശംസകളുമായി അടുത്ത സുഹൃത്തുക്കൾക്കുമുണ്ടായിരുന്നു.
ആസിഫ് അലിയുടെ സഹോദരനും നടനുമായ അസ്കർ അലി, നടൻ ഗണപതി, ബാലു വർഗീസ്, ജോമോൻ ടി. ജോൺ തുടങ്ങിയവരും ആഘോഷം ഗംഭീരമാക്കാൻ ഒപ്പമുണ്ടായിരുന്നു.
2013ലാണ് കണ്ണൂർ സ്വദേശിയായ സമ മസ്റീനെ ആസിഫ് അലി വിവാഹം ചെയ്തത്. ആദം, ഹയ എന്നീ രണ്ടുമക്കളാണ് ഇരുവർക്കുമുള്ളത്. ‘പൊളിച്ചടുക്കി തലയും കുത്തി നിന്ന് ’ എന്ന ഹാഷ്ടാഗോടെയാണ് ആസിഫ് വീഡിയോ പങ്കുവച്ചത്.
ആസിഫ് കറുത്ത സ്യൂട്ട് അണിഞ്ഞപ്പോൾ ബേയ്ജ് നിറത്തിലുള്ള ഗൗൺ ആണ് സമ ധരിച്ചത്. ഇവർക്കൊപ്പം മക്കളായ ആദമിനെയും ഹയയെയും വിഡിയോയിൽ കാണാം.
ആസിഫ് അലിയും സമയും വീണ്ടും വിവാഹിതരായി എന്ന തലക്കെട്ടോടെയാണ് ഇവന്റ് ചിത്രീകരിച്ച സ്റ്റുഡിയോ 360 ഇവരുടെ ആഘോഷ വിഡിയോ സമൂഹമാധ്യമത്തിൽ പങ്കുവച്ചത്.
ജൂഡ് ആന്തണി സംവിധാനം ചെയ്ത ‘2018’ ആണ് ആസിഫിന്റേതായി ഒടുവില് റിലീസിനെത്തിയ ചിത്രം.