മോഹൻലാലിനെ നായകനാക്കി ലിജോ ജോസ് പെല്ലിശേരി ഒരുക്കുന്ന മലൈക്കോട്ടെ വാലിബന്റെ ടീസർ റിലീസ് ചെയ്തു. മോഹൻലാലിന്റെ ജൻമ ദിനത്തിൽ ആരാധകർക്ക് സർപ്രൈസയാണ് ടീസർ പുറത്തിറക്കിയത്. സിനിമയിൽ നിന്നുള്ള മോഹൻലാലിന്റെ ചെറിയൊരു ഭാഗമായാണ് അണിയറ പ്രവർത്തകർ പുറത്തുവിട്ടത്.
വാലിബൻ ലുക്കിൽ വടവുമായി മുന്നേറുന്ന മോഹൻലാലിനെ ടീസറിൽ കാണാം. ലിജോയുടെ കരിയറിലെ ഏറ്റവും വലിയ കാന്വാസില് ഒരുങ്ങുന്ന സിനിമ എന്ന പ്രത്യേകതയും വാലിബനുണ്ട്. പ്രശാന്ത് പിള്ളയാണ് ചിത്രത്തിന്റെ സംഗീത സംവിധാനം.
മധു നീലകണ്ഠനാണ് ചിത്രത്തിന്റെ ഛായാഗ്രഹണം. വസ്ത്രാലങ്കാരം റോണക്സ് സേവ്യര്. മറാഠി നടി സൊണാലി കുല്ക്കര്ണി, ഹരീഷ് പേരടി, മണികണ്ഠൻ ആചാരി, രാജീവ് പിള്ള, ഡാനിഷ്, ഹരിപ്രശാന്ത് വര്മ തുടങ്ങിയവര് ചിത്രത്തിൽ വേഷമിടുന്നുണ്ട്.
ഷിബു ബേബി ജോണിന്റെ ജോണ് ആന്ഡ് മേരി ക്രിയേറ്റീവിനൊപ്പം മാക്സ് ലാബ് സിനിമാസ്, സെഞ്ച്വറി ഫിലിംസ് എന്നിവരും നിർമാണ പങ്കാളികളാണ്.
അടുത്തിടെ ആണ് വാലിബന്റെ രാജസ്ഥാന് ഷെഡ്യൂള് അവസാനിച്ചത്. നിലവിൽ ചെന്നൈയിൽ ആണ് ചിത്രീകരണം ചിത്രീകരണം പുരോഗമിക്കുന്നത്.