അഞ്ചാം പാതിര എന്ന സൂപ്പർഹിറ്റ് ചിത്രത്തിന് ശേഷം മിഥുന് മാനുവല് തോമസ് സംവിധാനം ചെയ്യുന്ന പുതിയ ചിത്രം പ്രഖ്യാപിച്ചു. ജയറാമാണ് ചിത്രത്തിലെ നായകൻ. ഏബ്രഹാം ഓസ്ലര് എന്ന് പേരിട്ടിരിക്കുന്ന ചിത്രത്തിന്റെ ഫസ്റ്റ്ലുക്കിനൊപ്പമാണ് സിനിമയുടെ പ്രഖ്യാപനവുമുണ്ടായത്.
സോള്ട്ട് ആന്ഡ് പെപ്പര് ലുക്കിലാണ് ജയറാം പോസ്റ്ററിൽ പ്രത്യക്ഷപ്പെടുന്നത്. ത്രില്ലർ വിഭാഗത്തിൽ പെടുന്ന ചിത്രത്തിൽ ജയറാമിനെ കൂടാതെ അര്ജുന് അശോകന്, സൈജു കുറുപ്പ്, അനശ്വര രാജന്, സെന്തില് കൃഷ്ണ, ജഗദീഷ്, സായ് കുമാര്, ആര്യ സലിം എന്നിവരാണ് മറ്റു കഥാപാത്രങ്ങളെ അവതരിപ്പിക്കുന്നത്.
ചിത്രത്തിന്റെ ഷൂട്ടിംഗ് മേയ് 20-ന് ആരംഭിക്കും. തൃശൂർ, കോയമ്പത്തൂർ, വയനാട് എന്നിവിടങ്ങളിലാണ് ചിത്രീകരണം.
മിഥുന് മാനുവല് തോമസും ഇര്ഷാദ് എം. ഹസനും ചേര്ന്നാണ് ചിത്രത്തിന്റെ നിര്മാണം. ഡോ. രണ്ധീര് കൃഷ്ണന് ആണ് രചന. ഛായാഗ്രഹണം-തേനി ഈശ്വര്. സംഗീതം-മിഥുന് മുകുന്ദന്.
എഡിറ്റിംഗ്-സൈജു ശ്രീധരന്. കലാസംവിധാനം-ഗോകുല് ദാസ്. എക്സിക്യൂട്ടീവ് പ്രൊഡ്യൂസര്-ജോണ് മന്ത്രിക്കല്. ലൈന് പ്രൊഡ്യൂസര് സുനില് സിംഗ്.
ക്രിയേറ്റീവ് ഡയറക്ടര്-പ്രിന്സ് ജോയ്. പ്രൊഡക്ഷന് കണ്ട്രോളര്-പ്രശാന്ത് നാരായണന്. മേക്കപ്പ്-റോണക്സ് സേവ്യര്. സ്റ്റില്സ് എസ്.ബി.കെ ഷുഹൈര്. ഡിസൈന്സ്-യെല്ലോടൂത്ത്സ്.
അഞ്ചാം പാതിരായ്ക്ക് ശേഷം മിഥുൻ മാനുവലിന്റെ ത്രില്ലർ; ജയറാം നായകൻ; ഫസ്റ്റ്ലുക്ക്
10:06 AM May 20, 2023 | Deepika.com