ഇടുക്കിയ വിറപ്പിച്ച കൊലകൊമ്പനായ അരിക്കൊന്പന്റെ കഥ സിനിമയാകുന്പോൾ അതിൽ അഭിനയിക്കുമോ എന്ന യുട്യൂബറുടെ ചോദ്യത്തിന് തഗ്ഗ് മറുപടിയുമായി നടൻ ടൊവീനോ തോമസ്.
അരിക്കൊമ്പന്റെ കഥ പശ്ചാത്തലമാക്കി സിനിമ പ്രഖ്യാപിച്ചിട്ടുണ്ടല്ലോ. അതിലും ടൊവീനോയെ പ്രതീക്ഷിക്കാമോയെന്നായിരുന്നു യൂട്യൂബറുടെ ചോദ്യം. ‘‘ഞാൻ അതിനുവേണ്ടി കൊമ്പ് വളർത്തിക്കൊണ്ട് ഇരിക്കുകയാണ്’’ എന്നായിരുന്നു ടൊവീനോയുടെ തമാശ കലർന്ന മറുപടി.
അരിക്കൊമ്പന്റെ ജീവിതത്തെ ആസ്പദമാക്കി ഒരുങ്ങുന്ന ചിത്രം സംവിധാനം ചെയ്യുന്നത് സാജിദ് യാഹിയയാണ്. ബാദുഷാ സിനിമാസിന്റെയും പെൻ ആൻഡ് പേപ്പർ ക്രിയേഷൻസിന്റെയും ബാനറിൽ എൻ. എം. ബാദുഷ, ഷിനോയ് മാത്യു, രാജൻ ചിറയിൽ, മഞ്ജു ബാദുഷ, നീതു ഷിനോയ്, പ്രിജിൻ ജെ.പി. എന്നിവരാണ് ചിത്രത്തിന്റെ നിർമാണം. സുഹൈൽ എം. കോയയാണ് അരിക്കൊമ്പന്റെ കഥ ഒരുക്കുന്നത്.