ഒരു നായക്കുട്ടിയെ കേന്ദ്രകഥാപാത്രമാക്കി ഒരുക്കുന്ന "നെയ്മർ " എന്ന ചിത്രത്തിന്റെ ട്രെയിലർ പുറത്തിറങ്ങി. നവാഗതനായ സുധി മാഡിസൺ കഥയും സംവിധാനവും നിർവഹിക്കുന്ന ചിത്രത്തിൽ മാത്യുവും നസ്ലിനും പ്രധാനവേഷങ്ങളിലെത്തുന്നു.
ഗോപിസുന്ദർ പശ്ചാത്തലസംഗീതവും ഷാൻ റഹ്മാൻ സംഗീതവും നിർവഹിക്കുന്നു. പുതുമുഖം ഗൗരി കൃഷ്ണയും കീർത്തനയുമാണ് ചിത്രത്തിലെ നായികമാർ. ഓപ്പറേഷൻ ജാവ എന്ന ഹിറ്റ് ചിത്രത്തിന് ശേഷം വി സിനിമാസ് ഇന്റർനാഷണലിന്റെ ബാനറിൽ പത്മ ഉദയ് നിർമിക്കുന്ന "നെയ്മർ" മെയ് 12 ന് തിയേറ്ററുകളിലെത്തും.
ജോ ആൻഡ് ജോയ്ക്ക് ശേഷം മാത്യു- നസ്ലിൻ ഒന്നിക്കുന്ന ചിത്രം കൂടിയാണിത്. ഇവരെ കൂടാതെ വിജയരാഘവൻ, ഷമ്മി തിലകൻ, ജോണി ആന്റണി, മണിയൻ പിള്ള രാജു ,ഗൗരി കൃഷ്ണ, കീർത്തന ശ്രീകുമാർ,അമല റോസ്, തുഷാര പിള്ള, രശ്മി ബോബൻ, ബേബി ദേവനന്ദ തുടങ്ങിയവരും അഭിനയിക്കുന്നു.
തിരക്കഥ-പോൾസൺ സ്കറിയ,ആദർശ് സുകുമാരൻ. എഡിറ്റിംഗ്-നൗഫൽ അബ്ദുല്ല. പശ്ചാത്തല സംഗീതം-ഗോപിസുന്ദർ, സംഗീതം-ഷാൻ റഹ്മാൻ. ക്യാമറ-ആൽബി. ശബ്ദമിശ്രണം- വിഷ്ണു ഗോവിന്ദ്.