മമ്മൂട്ടി കഴിഞ്ഞദിവസം പങ്കുവച്ച ചിത്രമാണ് ഇപ്പോൾ സമൂഹമാധ്യമങ്ങളിൽ തരംഗമായിരിക്കുന്നത്. 'ടേക്കിംഗ് ദ ബാക്ക് സീറ്റ്'എന്ന കുറിപ്പോടെയാണ് താരം ചിത്രം പങ്കുവച്ചത്. വെള്ള വസ്ത്രം ധരിച്ച് കണ്ണടയും ധരിച്ച് സ്റ്റൈലൻ ലുക്കിലാണ് താരം പ്രത്യക്ഷപ്പെട്ടിരിക്കുന്നത്.
നാട്ടിലുള്ള യുവാക്കൾക്ക് വേണ്ടി കുറച്ചു ഒതുങ്ങി കൂടെ, ഇപ്പോഴും ഓർമ്മയൊക്ക ഉണ്ടോ?? ഈ വർഷം സെപ്റ്റംബർ 7..72 വയസ് തികയുകയാണ്.. യാറാലെ ഇതൊക്കെ, 90 വയസായാൽ ഇതിലും ചെറുപ്പമാകും മമ്മൂക്ക,ഇത് വേറെ ലെവലാ..,
നിങ്ങൾ ഇത് എന്ത് ഭാവിച്ചാണ് മനുഷ്യാ....ഞങ്ങൾക്കും ഈ നാട്ടിൽ ജീവിക്കണം", എന്നിങ്ങനെ പോകുന്നു പോസ്റ്റിന് താഴെ വന്നിരിക്കുന്ന കമന്റുകൾ.
ഏജന്റ് എന്ന തെലുങ്ക് ചിത്രമാണ് മമ്മൂട്ടിയുടേതായി ഏറ്റവും ഒടുവില് റിലീസ് ചെയ്തത്. ആക്ഷന് ത്രില്ലര് വിഭാഗത്തില്പ്പെട്ട ഏജന്റിന് വലിയ വിജയമുണ്ടാക്കാൻ സാധിച്ചില്ല.
അഖില് അക്കിനേനിയാണ് നായകന്. മേജര് മഹാദേവന് എന്ന കഥാപാത്രത്തെയാണ് മമ്മൂട്ടി ചിത്രത്തിൽ അവതരിപ്പിക്കുന്നത്.
എന്റെ മമ്മൂക്കാ, നിങ്ങളിത് എന്ത് ഭാവിച്ചാ? വൈറലായി മമ്മൂട്ടിയുടെ പുതിയ ചിത്രം
09:17 AM May 06, 2023 | Deepika.com