നായിക നായകൻ എന്ന റിയാലിറ്റി ഷോയിലൂടെ ശ്രദ്ധേയരായ മാളവിക കൃഷ്ണദാസും തേജസും വിവാഹിതരായി. കൊച്ചി എളമക്കര ഭാസ്കരീയം ഓഡിറ്റോറിയത്തിൽ വച്ചായിരുന്നു ഇരുവരുടെയും വിവാഹം.
ശിൽപ ബാല, ദർശന സുരേന്ദ്രൻ, ജീവ തോമസ്, അശ്വതി ശ്രീകാന്ത് തുടങ്ങി സിനിമ-സീരിയൽ രംഗത്തുനിന്നും നിരവധി പേരാണ് വിവാഹചടങ്ങിൽ പങ്കെടുക്കാനെത്തിയത്. പ്രണയവിവാഹമല്ലെന്നും ആലോചിച്ചുറപ്പിച്ച വിവാഹമാണിതെന്നും മാളവിക നേരത്തെ വ്യക്തമാക്കിയിരുന്നു.
ലാൽ ജോസ് സംവിധാനം ചെയ്ത തട്ടിൻപുറത്ത് അച്ചുതൻ എന്ന ചിത്രത്തിലൂടെ സിനിമയിലും മാളവിക അരങ്ങേറ്റം കുറിച്ചിരുന്നു.