മംമ്തയെ കേന്ദ്രകഥാപാത്രമാക്കി വി.കെ. പ്രകാശ് സംവിധാനം ചെയ്യുന്ന സസ്പെൻസ് ത്രില്ലർ ചിത്രം ‘ലൈവി’ന്റെ ട്രെയിലർ പുറത്തിറങ്ങി. വ്യാജ വാര്ത്തകള്ക്കെതിരെയുള്ള ഒരു സ്ത്രീയുടെ പോരാട്ടമാണ് ചിത്രം പറയുന്നത്. സൗബിന് ഷാഹിർ, ഷൈന് ടോം ചാക്കോ, പ്രിയ വാര്യര് എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
എസ്. സുരേഷ്ബാബുവിന്റേതാണ് തിരക്കഥ. ഫിലിംസ് 24ന്റെ ബാനറിൽ ദർപ്പൺ ബംഗേജ, നിതിൻ കുമാർ എന്നിവർ ചേർന്നാണ് ചിത്രം നിർമിക്കുന്നത്. ഇരുവരുടെയും മലയാളത്തിലെ ആദ്യ സിനിമാസംരംഭമാണ് 'ലൈവ്'.
മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫനാണ് ചിത്രം വിതരണം ചെയ്യുന്നത്. ഛായാഗ്രഹണം നിർവ്വഹിക്കുന്നത് നിഖിൽ എസ് പ്രവീൺ. ചിത്രസംയോജകൻ സുനിൽ എസ്.പിള്ള. സംഗീത സംവിധായകൻ അൽഫോൺസ് ജോസഫ്. കലാ സംവിധാനം ദുന്ദു രഞ്ജീവ് രാധ.