കോഴിക്കോടൻ ഭാഷയും ശുദ്ധമായ നർമ്മ പ്രകടനവും കൊണ്ട് മലയാളികൾക്ക് പ്രിയങ്കരനായി മാറിയ ഹരീഷ് കണാരൻ നായകനാകുന്ന ചിത്രം ഈ മാസം തിയറ്റുകളിലെത്തും. ഉല്ലാസപ്പൂത്തിരികൾ എന്നാണ് ചിത്രത്തിന്റെ പേര്.
നവാഗതനായ ബിജോയ് ജോസഫാണ് ചിത്രം സംവിധാനം ചെയ്യുന്നത്. ജെമിനി സ്റ്റുഡിയോസ് അവതരിപ്പിക്കുന്ന ചിത്രം റിയാണോ റോസ് പ്രൊഡക്ഷൻസിന്റെ ബാനറിൽ ജോൺ കുടിയാൻമലയും ഹരീഷ് കണാരനും ചേർന്നാണ് നിർമിക്കുന്നത്.
ഒരു സർക്കാർ ജീവനക്കാരന്റെ ജീവിതത്തിൽ അരങ്ങേറുന്ന സംഭവങ്ങൾ രസകരവും ഹൃദയസ്പർശിയുമായ മുഹൂർത്തങ്ങളിലൂടെ അവതരിപ്പിക്കുകയാണ് ചിത്രം.
അജു വർഗീസ്, സലിംകുമാർ, ജോണി ആന്റണി, ഇടവേള ബാബ, നിർമ്മൽ പാലാഴി, സരയൂ ,സീനത്ത്, എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ഇവർക്കൊപ്പം ജോജു ജോർജും, സൗബിൻ ഷാഹിറും പ്രധാന വേഷങ്ങളിലെത്തുന്നുണ്ട്.
കഥ -ബിജോയ് ജോസഫ്. തിരക്കഥ, സംഭാഷണം- പോൾ വർഗീസ്. ഹരിനാരായണന്റെ വരികൾക്ക് എബി സാൽവിൻ ഈണം പകർന്നിരിക്കുന്നു. മനോജ് പിള്ളയാണ് ചായാഗ്രാഹകൻ. എഡിറ്റിംഗ് - നൗഫൽ അബ്ദുള്ള.
കലാസംവിധാനം - ത്യാഗു തവനൂർ. കോസ്റ്റ്യും ഡിസൈൻ ലിജി പ്രേമൻ. മേക്കപ്പ് - ഹസ്സൻ വണ്ടൂർ. പ്രൊഡക്ഷൻ എക്സിക്യുട്ടിവ് - അഭിലാഷ് അർജുൻ. പ്രൊഡക്ഷൻ കൺട്രോളർ- റിച്ചാർഡ്. പിആർഒ- വാഴൂർ ജോസ്. ഫോട്ടോ - ശ്രീജിത്ത് ചെട്ടിപ്പടി.
നായകൻ ഹരീഷ് കണാരൻ; ഉല്ലാസപൂത്തിരികൾ പ്രദർശനത്തിനെത്തുന്നു
02:59 PM May 02, 2023 | Deepika.com