അന്തരിച്ച നടൻ മാമുക്കോയയെ അനുസ്മരിച്ച് മോഹൻലാൽ. നാട്യങ്ങളില്ലാത്ത അതുല്യപ്രതിഭയായിരുന്നു മാമുക്കോയയെന്നും ഒന്നിച്ചഭിനയിക്കാൻ ഭാഗ്യമുണ്ടായെന്നും മോഹൻലാൽ പറഞ്ഞു.
നാട്യങ്ങളില്ലാത്ത, നന്മയുടെ നിറകുടമായിരുന്നു പ്രിയപ്പെട്ട മാമുക്കോയ. മലബാർ ശൈലിയെ തനിമ ചോരാതെ തികച്ചും സ്വാഭാവികമായി ഈ അതുല്യപ്രതിഭ വെള്ളിത്തിരയിൽ അവതരിപ്പിച്ചു.
ദൂരെ ദൂരെ ഒരു കൂടുകൂട്ടാം എന്ന സിനിമ മുതൽ അടുത്തിടെ പ്രിയദർശൻ സംവിധാനം ചെയ്ത ഓളവും തീരവും വരെ എത്രയെത്ര ചിത്രങ്ങളിലാണ് ഒന്നിച്ചഭിനയിക്കാൻ എനിക്ക് ഭാഗ്യമുണ്ടായത്.
ആ നിഷ്കളങ്കമായ ചിരി ഒരിക്കലും മായാതെ എന്നെന്നും മനസിൽ നിറഞ്ഞുനിൽക്കും. മലയാള സിനിമയ്ക്ക് തീരാനഷ്ടമായി മാറിയ അദ്ദേഹത്തിന്റെ വേർപാടിൽ ആദരാഞ്ജലികൾ...മോഹൻലാൽ കുറിച്ചു.
നാട്യങ്ങളില്ലാത്ത നൻമയുടെ നിറകുടം: മാമുക്കോയയെ അനുസ്മരിച്ച് മോഹൻലാൽ
04:13 PM Apr 26, 2023 | Deepika.com