നവ്യ നായർ, സൈജു കുറുപ്പ് എന്നിവരെ പ്രധാനകഥാപാത്രങ്ങളാക്കി അനീഷ് ഉപാസന തിരക്കഥ എഴുതി സംവിധാനം ചെയ്യുന്ന ജാനകി ജാനേ..എന്ന ചിത്രത്തിന്റെ ടീസർ റിലീസ് ചെയ്തു. ജാനകിയെന്ന കഥാപാത്രത്തെയാണ് നവ്യ നായർ അവതരിപ്പിക്കുന്നത്.
ഷറഫുദ്ദീൻ, ജോണി ആന്റണി, കോട്ടയം നസീർ, നന്ദു, പ്രമോദ് വെളിയനാട്, ജോർജ് കോരാ, ജോർഡി പൂഞ്ഞാർ, സ്മിനു സിജോ, ഷൈലജ, അഞ്ജലി എന്നിവരും പ്രധാന താരങ്ങളാണ്.
ശ്യാം പ്രകാശ് ഛായാഗ്രഹണവും നൗഫൽ അബ്ദുള്ള എഡിറ്റിംഗും നിർവ്വഹിക്കുന്നു. എസ്ക്യൂബ് ഫിലിംസിന്റെ ബാനറിൽ ഷെനുഗ ഷെഗ്നാ ഷെർഗ എന്നിവരാണ് ചിത്രം നിർമിക്കുന്നത്.