ആടുജീവിതം എന്ന ചിത്രത്തിലെ ദൃശ്യങ്ങള് ചോര്ന്നതില് പ്രതികരണവുമായി സംവിധായകൻ ബ്ലെസി. ഓണ്ലൈനില് ചോര്ന്നത് ട്രെയിലര് അല്ല. ചിത്രത്തിലെ ചില ദൃശ്യങ്ങൾ വേൾഡ് റിലീസിന് മുന്നോടിയായി ഇന്റർനാഷണൽ ഏജൻസിക്ക് അയച്ചു നൽകിയിരുന്നു. ഗ്രേഡിംഗ് അടക്കം പോസ്റ്റ് പ്രൊഡക്ഷൻ ജോലികൾ പൂർത്തിയാക്കാനുളള ചില ദൃശ്യങ്ങളാണ് ചോർന്നതെന്നും ഇതില് അതിയായ ദു:ഖമുണ്ടെന്നും ബ്ലെസി വ്യക്തമാക്കി.
പൃഥ്വിരാജ് നായകനായ ചിത്രത്തിന്റെ ട്രെയിലര് കഴിഞ്ഞ ദിവസം ചോര്ന്നിരുന്നു. ഡെഡ്ലൈൻ എന്ന വിദേശ മാധ്യമമാണ് ട്രെയിലർ പുറത്തുവിട്ടത്. തുടര്ന്ന് പൃഥ്വിരാജ് തന്നെ ഓഫീഷ്യല് ട്രെയിലര് തന്റെ പ്രൊഡക്ഷന് കമ്പനി അക്കൗണ്ടിലൂടെ പുറത്തുവിടുകയും ചെയ്തിരുന്നു.
ട്രെയിലര് ഓണ്ലൈനില് ചോര്ന്നത് അല്ല. ഫെസ്റ്റിവൽ സർക്യൂട്ടുകൾക്ക് മാത്രമായി കട്ട് ചെയ്ത ആടുജീവിതം ട്രെയിലർ ഓൺലൈനില് എത്തിയതായിരുന്നു. ജോലി തീര്ന്നിട്ടില്ല പുരോഗമിക്കുകയാണെന്നും പൃഥ്വിരാജ് കുറിപ്പിലൂടെ വ്യക്തമാക്കിയിരുന്നു.
പൂജ റിലീസായി ഒക്ടോബർ 20ന് ചിത്രം തിയറ്ററുകളിലെത്തും. ബന്യാമിന്റെ ആടുജീവിതം നോവലിനെ ആസ്പദമാക്കിയാണ് ചിത്രം ഒരുക്കിയിരിക്കുന്നത്. മാജിക് ഫ്രെയിംസ് ആണ് സിനിമ വിതരണത്തിനെത്തിക്കുന്നത്. സൗദി അറേബ്യയിലെ ഇന്ത്യൻ കുടിയേറ്റ തൊഴിലാളിയായ നജീബ് എന്ന കഥാപാത്രത്തെയാണ് ചിത്രത്തിൽ പൃഥ്വിരാജ് അവതരിപ്പിക്കുന്നത്. അമല പോൾ ആണ് നായിക.
ട്രെയിലറല്ല ചോർന്നത്; ദൃശ്യങ്ങൾ പുറത്തായതിൽ അതീവ ദു:ഖം; ബ്ലെസി
11:55 AM Apr 08, 2023 | Deepika.com