മോഹൻലാൽ എന്ന ചിത്രത്തിന് ശേഷം സാജിദ് യാഹിയ സംവിധാനം ചെയ്യുന്ന പുതിയ ചിത്രത്തിന്റെ ഷൂട്ടിംഗ് ആലപ്പുഴ മാരാരി ബീച്ചിൽ ആരംഭിച്ചു. ഫ്രൈഡേ ഫിലിം ഹൗസിന്റെ ബാനറിൽ വിജയ് ബാബു നിർമിക്കുന്ന ഇരുപതാമത്തെ ചിത്രം കൂടിയാണിത്. സാജിദ് തന്നെയാണ് ചിത്രത്തിന്റെ തിരക്കഥയൊരുക്കുന്നതും.
ആലപ്പുഴ ബീച്ചിന്റെ പശ്ചാത്തലത്തിലൂടെ അതിഹൃദ്യമായ ഒരു പ്രണയ കഥയാണ് ഈ ചിത്രത്തിലൂടെ അവതരിപ്പിക്കുന്നത്. രഞ്ജിത്ത് സജീവ്, നെഹാ നസ്നീൻ എന്നീ പുതുമുഖങ്ങളാണ് ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്.
സിദ്ദിഖ്, ലെന എന്നിവരും പ്രധാന വേഷങ്ങളിലെത്തുന്നു. പന്ത്രണ്ടു ഗാനങ്ങളാണ് ഈ ചിത്രത്തിലുള്ളത്. മൂന്നു സംഗീത സംവിധായകരാണ് സംഗീതമൊരുക്കുന്നത്.
നിഹാൽ, പ്രകാശ് അലക്സ് ,വിമൽ എന്നീ മൂന്നു സംഗീതസംവിധായകരാണ് ചിത്രത്തിന് സംഗീതമൊരുക്കുന്നത്. സുഹൈൽ കോയയുടേതാണ് വരികൾ.ഛായാഗ്രഹണം. ഷാരോൺ ശ്രീനിവാസ്. എഡിറ്റിംഗ് - അമൽ മനോജ്.
സാജിദ് യാഹിയയുടെ സംവിധാനം; ഫ്രൈഡേ ഫിലിംസിന്റെ നിർമാണം; പുതിയ ചിത്രമൊരുങ്ങുന്നു
11:25 AM Apr 08, 2023 | Deepika.com