നിത മുകേഷ് അംബാനിയുടെ കൾച്ചറൽ സെന്റർ ഉദ്ഘാടനത്തിൽ തിളങ്ങി നടൻ ദുൽഖർ സൽമാനും ഭാര്യ അമാൽ സൂഫിയായും. ചടങ്ങിൽ സ്റ്റൈലിഷ് ലുക്കിലാണ് താരദന്പതികൾ എത്തിയത്. കറുപ്പ് നിറത്തിലുള്ള വസ്ത്രങ്ങളാണ് ഇരുവരും ചടങ്ങിലേക്ക് ധരിച്ചത്.
ഷഹാബ് ദുറാസിയാണ് ഔട്ട്ഫിറ്റ് ഡിസൈന് ചെയ്തത്. രാഹുല് വിജയിയാണ് സ്റ്റൈലിസ്റ്റ്. തങ്ങളെ വ്യക്തിപരമായി ക്ഷണിക്കാന് സമയം കണ്ടെത്തിയ ഇഷ അംബാനിക്കും ശ്ലോക മെഹ്തയ്ക്കും താരം നന്ദി അറിയിക്കുകയും ചെയ്തു.
ഹോളിവുഡ് നടൻ ടോം ഹോളണ്ട് അടക്കമുള്ള ഇന്ത്യയിലെയും വിദേശത്തു നിന്നുമുള്ള കലാകാരന്മാർ, മത നേതാക്കൾ, കായിക, വ്യവസായ പ്രമുഖർ എന്നിവർക്കൊപ്പം രാജ്യത്തെ പ്രമുഖ വ്യക്തികൾ ഉദ്ഘാടനത്തിനെത്തിയിരുന്നു.
റിലയൻസ് ഫൗണ്ടേഷൻ ചെയർപേഴ്സൺ നിത അംബാനിയും മകൾ ഇഷ അംബാനിയും ആതിഥേയരായി.