സിനിമ നിർമിക്കാനായി വായ്പ നൽകാത്തതിനാൽ റിസർവ് ബാങ്ക് ഉദ്യോഗസ്ഥർ സിനിമ കാണുന്നത് നിർത്തണമെന്ന് സംവിധായകൻ അൽഫോൻസ് പുത്രൻ.
സിനിമയെ കൊല്ലുന്ന ഈ ഗുരുതരമായ വിഷയം പ്രധാനമന്ത്രി നരേന്ദ്ര മോദി പരിശോധിക്കണമെന്നും അൽഫോൺസ് പുത്രൻ പറയുന്നു. സമൂഹമാധ്യമത്തിലൂടെയായിരുന്നു സംവിധായകന്റെ പ്രതികരണം.
സിനിമ നിർമിക്കാൻ റിസർവ് ബാങ്ക് ബാങ്ക് ലോൺ നൽകാത്തതിനാൽ... എല്ലാ റിസർവ് ബാങ്ക് അംഗങ്ങളോടും സിനിമ കാണുന്നത് നിർത്താൻ ഞാൻ അഭ്യർഥിക്കുന്നു. നിങ്ങൾക്ക് ഒരു സിനിമയും കാണാൻ അവകാശമില്ല, ഈ തീരുമാനത്തിന്റെ ചുമതലയുള്ള വ്യക്തിക്കോ മന്ത്രിക്കോ ഇല്ല.
പശുവിന്റെ വായ അടച്ച് വച്ചതിന് ശേഷം പാൽ പ്രതീക്ഷിക്കരുത്. നമ്മുടെ പ്രിയപ്പെട്ട പ്രധാനമന്ത്രി ശ്രീ നരേന്ദ്ര മോദിയോട് സിനിമയെ കൊല്ലുന്ന ഗുരുതരമായ ഈ വിഷയം പരിശോധിക്കണമെന്ന് ഞാൻ അഭ്യർഥിക്കുന്നു. അൽഫോൻസ് പുത്രൻ പറഞ്ഞു.
വായ്പ നൽകുന്നില്ല; റിസർവ് ബാങ്ക് ഉദ്യോഗസ്ഥർ ഇനി സിനിമ കാണരുത്: അൽഫോൻസ് പുത്രൻ
11:02 AM Apr 02, 2023 | Deepika.com