അനശ്വരനടൻ ഇന്നസെന്റിന് ആദാരഞ്ജലികൾ അർപ്പിച്ച് സിനിമലോകം. ഇന്നസെന്റ് ചേട്ടന് ഞാൻ ആദരാഞ്ജലികൾ അർപ്പിക്കുന്നില്ലെന്നും അദ്ദേഹം ദൂരെ എവിടെയോ ലൊക്കേഷനിൽ പോയതാണെന്ന് വിശ്വസിക്കാനാണ് താനിപ്പോൾ ശ്രമിക്കുന്നതെന്നും നടൻ സലിം കുമാർ കുറിച്ചു.
ഇന്നസെന്റ് എന്ന ചിരിമഴ പെയ്തു തീർന്നു. എങ്കിലും ആ മഴ ചങ്കിലെ വൃക്ഷ തലപ്പുകളിൽ ബാക്കി വച്ചിട്ട് പോയ മഴത്തുള്ളികൾ ഓർമ്മകളുടെ നനുത്ത കാറ്റിൽ ജീവിതാവസാനം വരെ നമ്മളിൽ പെയ്തുകൊണ്ടേയിരിക്കും.
ഇന്നസെന്റ് ചേട്ടന് ഞാൻ ആദരാഞ്ജലികൾ അർപ്പിക്കുന്നില്ല, മരിച്ചു പോയി എന്നും ഞാൻ വിശ്വസിക്കുന്നില്ല, അദ്ദേഹം ദൂരെ എവിടെയോ, നമുക്കൊന്നും കാണാൻ പറ്റാത്ത ഒരു ലൊക്കേഷനിൽ ഷൂട്ടിങ്ങിന് പോയതാണ് എന്ന് ഞാൻ വിശ്വസിക്കുന്നു.
ഞാനുമുണ്ട് ആ സിനിമയിൽ പക്ഷേ എന്റെ ഡേറ്റ് ഇതുവരെ ആയിട്ടില്ല, ആവും, ആവാതിരിക്കാൻ പറ്റില്ലലോ. എന്നാലും മാസത്തിൽ രണ്ടു തവണയെങ്കിലും എന്റെ ഫോണിൽ തെളിഞ്ഞു വരാറുള്ള ഇന്നസെന്റ് എന്ന പേര് ഇനി മുതൽ വരില്ല എന്നോർക്കുമ്പോൾ....
ഇന്നസെന്റ് ചേട്ടന് ആദരാഞ്ജലികൾ അർപ്പിക്കുന്നില്ല; മരിച്ചു പോയെന്നും വിശ്വസിക്കുന്നില്ല: സലിം കുമാർ
04:11 PM Mar 27, 2023 | Deepika.com