ഷാരുഖ് ഖാന്റെ ഉടമസ്ഥതയിലുള്ള പ്രൊഡക്ഷൻ കന്പനി റെഡ് ചില്ലീസിന് വേണ്ടി തിരക്കഥ എഴുതാൻ ഒരുങ്ങി ഇരട്ട എന്ന മലയാള ചിത്രത്തിന്റെ സംവിധായകൻ രോഹിത് എം.ജി. കൃഷ്ണൻ.
ഷാറുഖ് ഖാന്റെ പ്രൊഡക്ഷൻ ഹൗസ് ആയ റെഡ് ചില്ലിസിനു വേണ്ടി ഒരു തിരക്കഥ എഴുതാമോ എന്നുള്ള ആവശ്യവുമായിട്ടാണ് തന്നെ സമീപിച്ചതെന്നും അവരുമായിട്ടുള്ള ഔദ്യോഗിക കൂടിക്കാഴ്ച കഴിഞ്ഞെന്നും രോഹിത് പറഞ്ഞു.
ചർച്ചയ്ക്കു ശേഷം അവർ സംതൃപ്തരായാണ് മടങ്ങിയത്. റെഡ് ചില്ലീസിനു വേണ്ടി തിരക്കഥ എഴുതാനുള്ള പ്രാരംഭഘട്ടത്തിലാണ് ഞാൻ. ഇതൊരു ഡയറക്ട് ബോളിവുഡ് റിലീസ് ആയിരിക്കും. ഒടിടി റിലീസിന് ശേഷം ഇരട്ടയ്ക്കു സോഷ്യൽ മീഡിയയിൽ മികച്ച പ്രതികരണങ്ങൾ കിട്ടുന്നതിൽ സന്തോഷമുണ്ടെന്നും രോഹിത് കൂട്ടിച്ചേർത്തു.
ജോജു ജോർജിനെ നായകനാക്കി ഒരുക്കിയ ഇരട്ടയ്ക്ക് മികച്ച പ്രതികരണമാണ് ലഭിച്ചത്. ഇരട്ട സഹോദരങ്ങളുടെ കഥയാണ് ചിത്രം പറയുന്നത്. സംവിധായകൻ രാഹുൽ തന്നെയാണ് ഇരട്ടയുടെ തിരക്കഥ തയാറാക്കിയത്.
ഷാരുഖിന്റെ റെഡ് ചില്ലീസ് നിർമാണം; "ഇരട്ട'യുടെ സംവിധായകൻ ബോളിവുഡിൽ അരങ്ങേറ്റം കുറിക്കുന്നു
12:04 PM Mar 07, 2023 | Deepika.com