ബാല്യകാലത്ത് സ്വന്തം അച്ഛനിൽ നിന്നും ലൈംഗിക അതിക്രമം നേരിട്ടതിനെക്കുറിച്ച് തുറന്നു പറഞ്ഞ് നടിയും രാഷ്ട്രീയനേതാവുമായ ഖുശ്ബു. എട്ടാം വയസ്സിൽ അച്ഛൻ തന്നെ ലൈംഗികമായി ചൂഷണം ചെയ്തിരുന്നുവെന്നും 15 വയസുവരെ തുറന്നു പറയാനുള്ള ധൈര്യം ഇല്ലായിരുന്നുവെന്നും നടി പറയുന്നു.
മാധ്യമപ്രവർത്തകയായ ബർഖ ദത്തിന്റെ വീ ദ വുമൺ എന്ന പരിപാടിയിലായിരുന്നു ഖുശ്ബുവിന്റെ വെളിപ്പെടുത്തൽ.
ഒരു കുട്ടി പീഡിപ്പിക്കപ്പെടുമ്പോൾ അത് പെൺകുട്ടിയായാലും ആൺകുട്ടിയായലും അവരുടെ ജീവിതത്തിലാണ് മുറിവേൽപ്പിക്കുന്നത്. എന്റെ അമ്മ ഏറ്റവും മോശമായ ദാമ്പത്യത്തിലൂടെയാണ് കടന്നുപോയത്.
ഭാര്യയെ തല്ലുന്നതും മക്കളെ തല്ലുന്നതും ഏക മകളെ ലൈംഗികമായി പീഡിപ്പിക്കുന്നതും തന്റെ ജന്മാവകാശമാണെന്ന് കരുതിയിരുന്ന ഒരാളായിരുന്നു അച്ഛൻ. എട്ടാമത്തെ വയസിലാണ് അച്ഛൻ എന്നെ ലൈംഗികമായും ശാരീരികമായും പീഡിപ്പിച്ചത്.
15 വയസ്സുള്ളപ്പോഴാണ് അച്ഛനെതിരെ സംസാരിക്കാൻ എനിക്ക് ധൈര്യമുണ്ടായത്. മറ്റ് കുടുംബാംഗങ്ങൾ കൂടി ദുരുപയോഗം ചെയ്യപ്പെടുമോ എന്ന ഭയം നിലനിൽക്കുമ്പോൾ ആിരുന്നു അങ്ങനെ ഒരു നിലപാട് എടുത്തത് എന്ന് ഖുശ്ബു പറയുന്നു.
അമ്മ എന്നെ വിശ്വസിക്കില്ല എന്നതായിരുന്നു ഭയം. കാരണം ഭർത്താവ് ദൈവം എന്ന ചിന്താഗതിയായിരുന്നു അക്കാലത്തെന്നും ഖുശ്ബു പറയുന്നു. തന്റെ 16 വയസില് അച്ഛന് തങ്ങളെ ഉപേക്ഷിച്ച് പോയെന്നും ഒരു നേരത്തെ ഭക്ഷണത്തിനുള്ള വക എവിടെ നിന്ന് ലഭിക്കുമെന്നു പോലും അറിയാത്ത അവസ്ഥയായിരുന്നു അന്നെന്നും ഖുശ്ബു വെളിപ്പെടുത്തി.
എട്ടുവയസുള്ളപ്പോൾ അച്ഛൻ തന്നെ ലൈംഗികമായി പീഡിപ്പിച്ചു: വെളിപ്പെടുത്തലുമായി ഖുശ്ബു
11:08 AM Mar 06, 2023 | Deepika.com