അർജുൻ റെഡ്ഡി എന്ന ഹിറ്റ് ചിത്രത്തിന്റെ സംവിധായകന് സന്ദീപ് റെഡ്ഡി വാങ്കയും സൂപ്പർ താരം അല്ലു അര്ജുനും ഒന്നിക്കുന്നു. നിലവിലുള്ള പ്രൊജക്റ്റുകൾ പൂർത്തിയായ ശേഷമാകും അല്ലു അർജുൻ ചിത്രം ആരംഭിക്കുന്നത്.
രൺബീർ കപൂർ, പരിണീതി ചോപ്ര, അനിൽ കപൂർ, ബോബി ഡിയോൾ തുടങ്ങിയവർ അണിനിരക്കുന്ന അനിമൽ, പ്രഭാസിനെ നായകനാക്കി ഒരുക്കുന്ന സ്പിരിറ്റ് എന്നിവയാണ് നിലവിൽ പ്രഖ്യാപിച്ചിരിക്കുന്ന സന്ദീപിന്റെ ചിത്രങ്ങൾ.
സന്ദീപ് റെഡ്ഡി വംഗയുടെ ഹോം ബാനർ ഭദ്രകാളി പിക്ചേഴ്സും ടി-സീരീസ് ഫിലിം പ്രൊഡക്ഷൻസും ചേർന്നാണ് ചിത്രം നിർമിക്കുന്നത്. ടി-സീരിസാണ് ചിത്രത്തിനെക്കുറിച്ചുള്ള വിവരം സമൂഹമാധ്യമത്തിൽ പങ്കുവച്ചത്. സന്ദീപ് റെഡ്ഡി വാങ്കയും അല്ലു അർജുനും നടത്തിയ കൂടിക്കാഴ്ചയുടെ ചിത്രങ്ങളാണ് ടി സീരിസ് പുറത്തുവിട്ടത്. ചിത്രത്തിന്റെ മറ്റുവിവരങ്ങളൊന്നും പുറത്തുവിട്ടിട്ടില്ല.
വമ്പൻ വിജയം നേടിയ അല്ലു അർജുൻ ചിത്രം 'പുഷ്പ: ദ് റൈസിന്റെ രണ്ടാം ഭാഗം 'പുഷ്പ: ദ് റൂളി'ന്റെ ചിത്രീകരണത്തിലാണ് നിലവിൽ അല്ലു അർജുൻ.
അർജുൻ റെഡ്ഡി ചിത്രത്തിന്റെ സംവിധായകനും അല്ലു അർജുനും ഒന്നിക്കുന്നു
01:00 PM Mar 04, 2023 | Deepika.com