മുത്തശിയും പേരക്കുട്ടിയും തമ്മിലുള്ള കഥപറയുന്ന ഗ്രാനി എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറക്കി. കലാധരനാണ് ചിത്രം സംവിധാനം ചെയ്യുന്നത്. If nothing is going well, Call your grandmother എന്നതാണ് ചിത്രത്തിന്റെ ടാഗ് ലൈൻ. ശോഭ മോഹൻ, ബാലതാരങ്ങളായ നിവിൻ, പാർവതി എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്.
രഞ്ജി പണിക്കർ, ബിജു പപ്പൻ, ജയകൃഷ്ണൻ, തോമസ്.കെ.ജോസഫ്, ലീനാ നായർ, ശ്രയ, റിയാസ് നർമ്മ കല, തിരുമല രാമചന്ദൻ, ഗായത്രി സുബ്രഹ്മണ്യം, സുരേഷ് ബാബു എന്നിവരും പ്രധാന താരങ്ങളാണ്.
ചിത്രത്തിന്റെ കഥയും ഗാനവും ഒരുക്കുന്നത് സംവിധായകൻ തന്നെയാണ്. സംഗീതം - എം.ജയചന്ദ്രൻ, ജയൻ പിഷാരടി. ഛായാഗ്രഹണം ഉണ്ണി മടവൂർ. എഡിറ്റിംഗ് - വിപിൻ മാത്തൂർ. കാത്തോ മൂവി മേക്കേഴ്സിന്റെ ബാനറിലാണ് ചിത്രം ഒരുക്കുന്നത്.
മുത്തശി-പേരക്കുട്ടി സ്നേഹബന്ധം പറയുന്ന ഗ്രാനി- ഫസ്റ്റ് ലുക്ക്
03:22 PM Mar 01, 2023 | Deepika.com