നടൻ അക്ഷയ് കുമാർ കാനേഡിയൻ പൗരത്വം ഉപേക്ഷിക്കുന്നു. ഒരു ദേശീയ ചാനലിന് നൽകിയ അഭിമുഖത്തിലാണ് താരം ഇക്കാര്യം വെളിപ്പെടുത്തിയത്. കനേഡിയൻ പൗരത്വത്തിന്റെ പേരിൽ വലിയ വിമർശനങ്ങൾ ഏറ്റുവാങ്ങിയ താരമാണ് അക്ഷയ് കുമാർ.
പാസ്പോർട്ട് മാറ്റാൻ അപക്ഷേിച്ചിട്ടുണ്ടെന്നും ബാക്കി കാര്യങ്ങള് ഉടൻ പൂർത്തിയാകുമെന്നും അദ്ദേഹം പറഞ്ഞു. ഇന്ത്യയാണ് എനിക്ക് എല്ലാം. ഞാന് സമ്പാദിച്ചതെല്ലാം ഇവിടെ നിന്നാണ്. തിരികെ നല്കാനുള്ള അവസരം ലഭിച്ചതില് ഞാന് ഭാഗ്യവാനാണ്.
ആളുകള് ഒന്നും അറിയാതെ കാര്യങ്ങള് പറയുമ്പോള് വിഷമം തോന്നും. 1990-കളില് കരിയര് മോശം അവസ്ഥയിലൂടെയാണ് പോയത്. 15 ഓളം സിനിമകളാണ് ആ കാലയളവില് തിയറ്ററുകളില് പരാജയം നേരിട്ടത്. അക്ഷയ് കുമാർ പറഞ്ഞു.
സിനിമകളുടെ മോശം ബോക്സ് ഓഫിസ് പ്രകടനമാണ് കനേഡിയന് പൗരത്വത്തിനായി അപേക്ഷിക്കാന് തന്നെ പ്രേരിപ്പിച്ചത്. എന്റെ സിനിമകള് ഒന്നും ഇവിടെ വര്ക്ക് ചെയ്യുന്നില്ല, എന്തെങ്കിലുമൊന്ന് വര്ക്ക് ചെയ്യണമല്ലോ എന്ന് ഞാന് കരുതി.
പലരും വിദേശത്ത് ജോലി തേടി പോകുന്നുണ്ട്. അങ്ങനെ ജോലിക്കായി കാനഡയിൽ പോകാൻ തീരുമാനിച്ചു. എന്റെ സുഹൃത്ത് കാനഡയിലാണ്. അങ്ങനെ ഞാന് കാനഡയിലേക്ക് പോകുകയായിരുന്നു.
പിന്നാലെ എന്റെ രണ്ട് ചിത്രങ്ങള് സൂപ്പര്ഹിറ്റായി. എന്റെ സുഹൃത്ത് പറഞ്ഞു, തിരിച്ചു പോകൂ, വീണ്ടും ജോലി ആരംഭിക്കൂ എന്ന്. എനിക്ക് കുറച്ച് സിനിമകള് ലഭിച്ചു. പാസ്പോര്ട്ട് ഉണ്ടെന്ന കാര്യം പോലും ഞാന് മറന്നു. ഈ പാസ്പോര്ട്ട് മാറ്റണമെന്ന് ഞാന് ഒരിക്കലും വിചാരിച്ചിരുന്നില്ല.– അക്ഷയ് കുമാര് പറഞ്ഞു.
2019 ഏപ്രിലിൽ ലോക്സഭാ തിരഞ്ഞെടുപ്പിന് തൊട്ടുമുൻപായി പ്രധാനമന്ത്രി നരേന്ദ്ര മോദിയുമായി നടത്തിയ അഭിമുഖത്തിന് ശേഷം അക്ഷയ് കുമാറിന്റെ കനേഡിയൻ പൗരത്വം വളരെ ചർച്ചയായിരുന്നു.