മലയാളത്തിന്റെ പ്രിയപ്പെട്ട നടൻമാരായ കുഞ്ചാക്കോ ബോബനും സുരാജ് വെഞ്ഞാറാമൂടും ഒന്നിക്കുന്ന പുതിയ ചിത്രം പ്രഖ്യാപിച്ചു. എസ്ര എന്ന ചിത്രത്തിന് ശേഷം ജയ് കെ. സംവിധാനം ചെയ്യുന്ന ചിത്രമാണിത്. ഗ്ര്ര്ര് എന്നാണ് ചിത്രത്തിന്റെ പേര്. 2020 തിരുവോണ ദിവസം പ്രഖ്യാപിച്ച ചിത്രമാണിത്.
മൃഗശാലയുമായി ബന്ധപ്പെട്ട ഒരു കഥയാണ് ചിത്രം പറയുന്നതെന്നാണ് റിപ്പോർട്ടുകൾ. ഓഗസ്റ്റ് സിനിമാസാണ് ചിത്രം നിർമിക്കുന്നത്. ചിത്രത്തിനെക്കുറിച്ചുള്ള മറ്റു വിവരങ്ങളൊന്നും പുറത്തുവിട്ടിട്ടില്ല.
പൃഥ്വിരാജ് നായകനായ ഹൊറര് ത്രില്ലര് വിഭാഗത്തില് പുറത്തിറങ്ങിയ എസ്ര വൻ വിജയം നേടിയ ചിത്രമായിരുന്നു. പ്രിയ ആനന്ദ് ആയിരുന്നു ചിത്രത്തിലെ നായിക. ടൊവീനോ, സുജിത് ശങ്കര്, സുദേവ് നായര്, വിജയരാഘവന്, പ്രതാപ് പോത്തന്, ബാബു ആന്റണി തുടങ്ങി വൻ താരനിര അണി നിരന്ന ചിത്രമായിരുന്നു എസ്ര.
കുഞ്ചാക്കോ ബോബനും സുരാജും ഒന്നിക്കുന്ന പുതിയ ചിത്രം; ഗ്ർർർ ഒരുങ്ങുന്നു
01:11 PM Feb 24, 2023 | Deepika.com