സൂപ്പര് ശരണ്യക്ക് ശേഷം അര്ജുൻ അശോകനും അനശ്വര രാജനും ഒന്നിക്കുന്ന ചിത്രം ഫെബ്രുവരി 17ന് തിയറ്ററിലെത്തും. പ്രണയ വിലാസം എന്നാണ് ചിത്രത്തിന്റെ പേര്. ചിത്രത്തിന്റെ ടീസർ പുറത്തിറങ്ങി.
നിഖില് മുരളിയാണ് ചിത്രം സംവിധാനം ചെയ്യുന്നത്. ജ്യോതിഷ് എം., സുനു എന്നിവര് ചേര്ന്നാണ് ചിത്രത്തിന്റെ തിരക്കഥ എഴുതിയിരിക്കുന്നത്. സൂപ്പര് ശരണ്യയിലെ പ്രധാനപ്പെട്ട കഥാപാത്രത്തെ അവതരിപ്പിച്ച മമിതയും ചിത്രത്തിലുണ്ട്. മിയ, ഹക്കിം ഷാ, മനോജ് കെ.യു. എന്നിവരാണ് മറ്റ് അഭിനേതാക്കള്.
ഷിനോസ് ആണ് ചിത്രത്തിന്റെ ഛായാഗ്രാഹണം. ഷാൻ റഹ്മാൻ ചിത്രത്തിന്റെ സംഗീത സംവിധാനം നിര്വഹിക്കുന്നു. സിബി ചവറ, രഞ്ജിത്ത് നായര് എന്നിവര് ചേര്ന്നാണ് ചിത്രം നിർമിക്കുന്നത്.