തലപ്പാവ് അണിഞ്ഞ് പഞ്ചാബ് സ്റ്റൈലിൽ നൃത്തം ചെയ്യുന്ന മോഹൻലാലിന്റെ വീഡിയോയാണ് ഇപ്പോൾ തരംഗമാകുന്നത്. ഒപ്പം ബോളിവുഡ് സൂപ്പർ താരം അക്ഷയ് കുമാറും. മോഹൻലാലിനൊപ്പം ചുവടുകൾ വയ്ക്കുന്ന വീഡിയോ അക്ഷയ് കുമാർ തന്നെയാണ് ഇൻസ്റ്റഗ്രാമിൽ പങ്കുവച്ചത്.
പഞ്ചാബി താളത്തിനൊപ്പം കാലുകൾ തമ്മിൽ കോർത്ത് ചുവടുവയ്ക്കുന്ന താരങ്ങളെ വീഡിയോയിൽ കാണാനാകും. നിങ്ങളോടൊപ്പമുള്ള ഈ നൃത്തം ഞാൻ എന്നേക്കും ഓർക്കും മോഹൻലാൽ സാർ. തികച്ചും അവിസ്മരണീയമായ നിമിഷം", എന്നാണ് അക്ഷയ് കുമാർ വീഡിയോയ്ക്ക് ഒപ്പം കുറിച്ചത്.
വാൾട്ട് ഡിസ്നി ഇന്ത്യ പ്രസിഡന്റ് കെ. മാധവന്റെ മകന്റെ വിവാഹ വിരുന്നിലാണ് ഇരുവരും ഒന്നിച്ച് ചുവടുവച്ചത്. കരൺ ജോഹർ, പൃഥ്വിരാജ്, സുപ്രിയ തുടങ്ങി സിനിമ മേഖലയിൽ നിന്നും നിരവധി പേർ ചടങ്ങിൽ പങ്കെടുത്തു.
ബല്ലേ ബല്ലേ; അക്ഷയ് കുമാറിനൊപ്പം പഞ്ചാബി താളത്തിൽ ചുവടുവച്ച് മോഹൻലാൽ; വീഡിയോ
11:39 AM Feb 10, 2023 | Deepika.com