സൂപ്പർ താരം ധനുഷ് നായകനായി എത്തുന്ന വാത്തി എന്ന ചിത്രത്തിന്റെ ട്രെയിലർ പുറത്തിറങ്ങി. മലയാളത്തിന്റെ ഇഷ്ടനായിക സംയുക്തയാണ് ചിത്രത്തിലെ നായിക. ചിത്രം ഫെബ്രുവരി 17ന് റിലീസ് ചെയ്യും.
വെണ്കി ആറ്റ്ലുരി എന്ന തെലുങ്ക് സംവിധായകനാണ് ചിത്രം സംവിധാനം ചെയ്യുന്നത്. സമുദ്രക്കനി, പി. സായി കുമാർ, നാര ശ്രിനിവാസ്, പ്രവീണ, ഹരീഷ് പേരടി, രാജേന്ദ്രൻ എന്നിവരാണ് മറ്റ് അഭിനേതാക്കൾ.
ജി.വി പ്രകാശാണ് ചിത്രത്തിന്റെ സംഗീത സംവിധായകന്. തമിഴിലും തെലുങ്കിലും ഒരേസമയമാകും ചിത്രം റിലീസിനെത്തുക.