വിജയിയെ നായകനാക്കി ലോകേഷ് കനകരാജ് സംവിധാനം ചെയ്യുന്ന ചിത്രത്തിന്റെ ടൈറ്റിൽ റിലീസ് ചെയ്തു. ലിയോ എന്നാണ് ചിത്രത്തിന് പേരിട്ടിരിക്കുന്നത്. വിക്രം എന്ന ചിത്രത്തിന് ശേഷം ലോകേഷ് സംവിധാനം ചെയ്യുന്ന ചിത്രത്തിലെ വിജയിയുടെ ലുക്കും പുറത്തിറക്കി.
ബ്ലഡി സ്വീറ്റ് എന്നാണ് ചിത്രത്തിന്റെ ടാഗ്ലൈൻ. ഒരു ചോക്ലേറ്റ് ഷോപ്പ് ഉടമയായിട്ടാണ് വിജയിയെ ടീസറിൽ അവതരിപ്പിച്ചിരിക്കുന്നത്. അനിരുദ്ധിൻറെ സംഗീതവും ഒപ്പം ചേരുന്പോൾ ഒരു മാസ് വരവാണ് ലോകേഷ് ഒരുക്കിയിരിക്കുന്നത്.
തൃഷ, സഞ്ജയ് ദത്ത്, അർജുൻ, പ്രിയ ആനന്ദ്, മിഷ്കിൻ, ഗൗതം മേനോൻ, മൺസൂർ അലി ഖാൻ എന്നിവർക്ക് പുറമേ മലയാളത്തിൽ നിന്ന് മാത്യു തോമസും പ്രധാനകഥാപാത്രത്തെ അവതരിപ്പിക്കുന്നു. മാത്യുവിന്റെ ആദ്യ തമിഴ്ചിത്രമാണ് ഇത്.
മാസ്റ്ററിന് ശേഷം വിജയിയും ലോകേഷും ഒന്നിക്കുന്നുവെന്ന പ്രത്യേകതയും ലിയോയ്ക്കുണ്ട്. സെവൻ സ്ക്രീൻ സ്റ്റുഡിയോസിന്റെ ബാനറിൽ എസ്.എസ്. ലളിത് കുമാറാണ് ചിത്രം നിർമിക്കുന്നത്.