ഏഴിമല പൂഞ്ചോല....മാമലയ്ക്കു മണിമാല..സിനിമ ആസ്വാദകരെ പിടിച്ചിരുത്തിയ സ്ഫടികം എന്ന ചിത്രത്തിലെ ഈ ഗാനം ആരും മറക്കാനിടയില്ല. ഇപ്പോൾ റീമാസ്റ്ററിംഗ് ചെയ്തിറങ്ങിയ ഗാനമാണ് ഇതിനോടകം ആടുതോമ ആരാധകർ ഏറ്റെടുത്തിരിക്കുന്നത്.
കെ.എസ്. ചിത്രയും മോഹൻലാലുമാണ് ഈ ഗാനം പാടിയിരിക്കുന്നത്. സിൽക് സ്മിതയുടെ അതിഗംഭീര പ്രകടനവും ഈ പാട്ടിലുണ്ട്.
സ്ഫടികം സിനിമയുടെ റീ മാസ്റ്റർ ചെയ്ത പുതിയ പതിപ്പ് ഫെബ്രുവരി ഒൻപതിന് തിയറ്ററുകളിലെത്തും. ഒരു കോടി രൂപയ്ക്കു മുകളിൽ നിർമാണ ചെലവുമായാണ് സ്ഫടികം 4 കെ പതിപ്പ് എത്തുന്നത്.
28 വർഷത്തിന് ശേഷമാണ് റീമാസ്റ്ററിംഗ് ചെയ്ത 4കെ പതിപ്പ് എത്തുന്നത്. 1995ലാണ് ഭദ്രൻ സംവിധാനം ചെയ്ത ഈ സൂപ്പർഹിറ്റ് ചിത്രം പിറക്കുന്നത്. മോഹൻലാലും ഉർവശിയും തിലകനുമാണ് ചിത്രത്തിൽ പ്രധാനവേഷത്തിലെത്തിയത്.