ടൊവീനോ തോമസിനെ നായകനാക്കി ലാൽ ജൂനിയർ സംവിധാനം ചെയ്യുന്ന ചിത്രമാണ് നടികർ തിലകം. ചിത്രത്തിന്റെ ഫസ്റ്റ് ലുക്ക് പോസ്റ്റർ അണിയറ പ്രവർത്തകർ റിലീസ് ചെയ്തു. ടൊവീനോയുടെ പിറന്നാളിനോടനുബന്ധിച്ചാണ് റിലീസ്.
കുരിശിൽ കിടക്കുന്ന ടൊവിനോയുടെ ചിത്രമാണ് പോസ്റ്ററിൽ കൊടുത്തിരിക്കുന്നത്. ഡ്രൈവിംഗ് ലൈസൻസ് എന്ന ചിത്രത്തിന് ശേഷം ലാൽ ജൂനിയർ സംവിധാനം ചെയ്യുന്ന ചിത്രമാണ് നടികർ തിലകം. സൗബിൻ സാഹിറും ചിത്രത്തിൽ പ്രധാനവേഷത്തിലെത്തുന്നുണ്ട്. ഡേവിഡ് പടിക്കൽ എന്നാണ് ടൊവീനോയുടെ കഥാപാത്രത്തിന്റെ പേര്.
പുഷ്പ നിർമിച്ച മൈത്രി മൂവി മേക്കേഴ്സാണ് ചിത്രത്തിന്റെ നിർമാണം. മൈത്രി മൂവി മെക്കേഴ്സ് ആദ്യമായി മലയാളത്തില് നിര്മ്മിക്കുന്ന ചിത്രം കൂടിയാണിത്.
സംവിധാനം ലാൽ ജൂനിയർ; ടൊവീനോ തോമസിന്റെ "നടികർ തിലകം'
01:09 PM Jan 21, 2023 | Deepika.com