കഫേ ഷോപ്പിലെത്തിയ മമ്മൂട്ടിയുടെ ചിത്രങ്ങൾ പങ്കുവച്ച് നടി നമിത പ്രമോദ്. ഇതിൽ കൂടുതൽ ഞങ്ങൾക്കൊന്നും ചോദിക്കാനില്ല. ഈ ഗംഭീര സർപ്രൈസിന് നന്ദി. നിങ്ങളുടെ ഹൃദയം തിളക്കമുള്ളതാണ്.ചിത്രങ്ങൾ പങ്കുവച്ച് നമിത കുറിച്ചു. ചേർത്തു നിർത്തി നമിതയെ അഭിനന്ദിക്കുന്ന മമ്മൂട്ടിയെയും ചിത്രത്തിൽ കാണാം.
സമ്മർടൗൺ റെസ്റ്റോ കഫേ എന്നാണ് നമിതയുടെ കഫേയുടെ പേര്. ഇത് സന്ദർശിക്കാനായാണ് താരം എത്തിയത്. രമേശ് പിഷാരാടിയും ഒപ്പമുണ്ടായിരുന്നു. കൊച്ചി പനന്പിള്ളി നഗറിലാണ് നമിതയുടെ പുതിയ സംരഭം.
കഴിഞ്ഞ ദിവസമാണ് നമിതയുടെ കഫേയുടെ ഉദ്ഘാടനം കഴിഞ്ഞത്. രജിഷ വിജയൻ, അപർണ ബാലമുരളി, മിയ ജോർജ്, അനു സിതാര എന്നിവർ ചേർന്നാണ് കഫേ ഉദ്ഘാടനം ചെയ്തത്. ദിലീപിന്‍റെ മകൾ മീനാക്ഷിയും നാദിർഷയുടെ മക്കളായ ആയിഷയും ഖദീജയുമടക്കം നിരവധി പേർ ചടങ്ങിൽ സന്നിഹിതരായിരുന്നു.
ജയസൂര്യ നായകനായ ഈശോയിലാണ് നമിത പ്രമോദ് ഒടുവിൽ അഭിനയിച്ചത്. ചിത്രം സോണി ലിവിൽ ഡയറക്ട് ഒടിടി റിലീസായിരുന്നു. കാളിദാസ് ജയറാം നായകനാകുന്ന രജ്നി, ഗോകുൽ സുരേഷിന്‍റെ എതിരെ, ആസിഫ് അലിയുടെ എ രഞ്ജിത് സിനിമ എന്നിവയാണ് നമിതയുടെ പുതിയ പ്രോജക്ടുകൾ.