റോഷൻ ആൻഡ്രൂസ് സംവിധാനം ചെയ്ത സൂപ്പർ ഹിറ്റ് ചിത്രം മുംബൈ പോലീസിന്റെ തെലുങ്ക് റീമേക്ക് ടീസർ പുറത്തിറങ്ങി. ഹണ്ട് എന്ന പേരിലാണ് ചിത്രം തെലുങ്കിൽ റിലീസ് ചെയ്യുന്നത്. സുധീർ ബാബു, ശ്രീകാന്ത്, ഭരത് നിവാസ് എന്നിവർ ചിത്രത്തിൽ മുഖ്യ വേഷങ്ങളിലെത്തുന്നു.
മലയാളത്തിലെ പൃഥ്വിരാജിന്റെ കഥാപാത്രത്തെ സുധീർ ആണ് തെലുങ്കിൽ അവതരിപ്പിക്കുന്നത്. ജയസൂര്യയുടെ കഥാപാത്രം ഭരതും റഹ്മാന്റെ വേഷം ശ്രീകാന്തുമാണ് ചെയ്യുന്നത്. മഹേഷ് സുരപാനേനിയാണ് ചിത്രം തെലുങ്കിലൊരുക്കുന്നത്. ചിത്രം ജനുവരി 26ന് തിയറ്ററുകളിലെത്തും.
ഭവ്യ ക്രിയേഷൻസിന്റെ ബാനറിൽ വി.ആനന്ദ പ്രസാദ് ചിത്രം നിർമിക്കുന്നു. 2013ൽ പുറത്തിറങ്ങിയ ചിത്രമാണ് മുംബൈ പൊലീസ്. പൃഥിരാജിനൊപ്പം റഹ്മാനും ജയസൂര്യയും മുഖ്യ വേഷങ്ങളിലെത്തി.
ബോബി–സഞ്ജയ്യുടേതാണു തിരക്കഥ. നിഹാൽ പിള്ള, അപർണ നായർ, ക്യാപ്റ്റൻ രാജു, റിയാസ് ഖാൻ എന്നിവരും വേഷമിട്ടു.