വിനീത് ശ്രീനിവാസന് നായകനായ മുകുന്ദന് ഉണ്ണി അസോസിയേറ്റ് എന്ന ചിത്രത്തെ അഭിനന്ദിച്ച് നടി ശീലു ഏബ്രഹാം. സിനിമയുടെ തുടക്കത്തില് ആരോടും നന്ദി പറയാനില്ല എന്ന് എഴുതി കാണിച്ചത് വ്യത്യസ്തമായ ഒരു ആശയമായി തോന്നിയെന്ന് ശീലു പറയുന്നു. വ്യത്യസ്ത കൊണ്ടുവന്നവർക്ക് കൈയടി അർഹിക്കുവെന്നും നടി വ്യക്തമാക്കി.
മുകുന്ദൻ ഉണ്ണി അസ്സോസ്സിയേറ്റ്സ് കണ്ടു.സിനിമയുടെ തുടക്കത്തിൽ തന്നെ "ആരോടും നന്ദി പറയാനില്ല ' എന്ന് എഴുതി കാണിച്ചത് ഒരു വെറൈറ്റി ആശയമായി തോന്നി.. ഇങ്ങനെയൊരു വ്യത്യസ്തത കൊണ്ട് വരാൻ കാണിച്ച ചിന്തയ്ക്കും ധൈര്യത്തിനും മുകുന്ദൻ ഉണ്ണിയുടെ അണിയറ പ്രവർത്തകർക്ക് എന്റെ കൈയ്യടികൾ. ശീലു ഏബ്രഹാം സമൂഹമാധ്യമത്തിൽ കുറിച്ചു.
കഴിഞ്ഞ ദിവസം ചിത്രത്തിനെതിരേ പരസ്യ വിമര്ശനവുമായി നടന് ഇടവേള ബാബു രംഗത്ത് വന്നിരുന്നു. സിനിമ മുഴുവനും നെഗറ്റീവാണെന്നും നായികയുടെ ഭാഷ കൊള്ളില്ലെന്നും ഇതിന് എങ്ങനെ സെന്സര്ഷിപ്പ് സര്ട്ടിഫിക്കറ്റ് ലഭിച്ചതെന്ന് അറിയില്ലെന്നും അദ്ദേഹം പറഞ്ഞിരുന്നു.
മുകുന്ദന് ഉണ്ണി എന്നൊരു സിനിമ ഇവിടെ ഇറങ്ങി. അതിന് എങ്ങനെ സെന്സറിംഗ് കിട്ടിയെന്ന് എനിക്കറിയില്ല. കാരണം ഫുള് നെഗറ്റീവാണ്. പടം തുടങ്ങുന്നത് തന്നെ ‘ഞങ്ങള്ക്കാരോടും നന്ദി പറയാനില്ല’ എന്ന വാചകത്തോടെയാണ്. ക്ലൈമാക്സിലെ ഡയലോഗ് ഞാന് ഇവിടെ ആവര്ത്തിക്കുന്നില്ല.
അതിലെ നായിക പറയുന്ന ഭാഷ ഇവിടെ ഉപയോഗിക്കാന് പറ്റില്ല. അങ്ങനെയൊരു ഭാഷയാണ് ഉപയോഗിച്ചിരിക്കുന്നത്. സിഗരറ്റ് വലിക്കുന്ന സീനിനും മദ്യക്കുപ്പി വയ്ക്കുന്നതിനും മൂന്ന് തവണയെങ്കിലും മുന്നറിയിപ്പ് കാണിക്കണം.
എന്നാൽ ഈ സിനിമ ഒന്നു കാണണം, ഫുള് നെഗറ്റീവാണ്. അങ്ങനെ ഒരു സിനിമ ഇവിടെ ഓടി. ആര്ക്കാണ് ഇവിടെ മൂല്യച്യുതി സംഭവിച്ചത്. പ്രേക്ഷകര്ക്കാണോ സിനിമാക്കാര്ക്കാണോ?- ഇതായിരുന്നു ഇടവേള ബാബുവിന്റെ വാക്കുകൾ
മുകുന്ദനുണ്ണി ആരോടും നന്ദി പറയാത്തതാണ് നല്ലത്; ചിത്രത്തിന് അഭിനന്ദനവുമായി ശീലു ഏബ്രാഹം
09:36 AM Jan 19, 2023 | Deepika.com