വസ്ത്രലാങ്കര വിദഗ്ദ സ്റ്റെഫി സേവ്യർ സംവിധാനം ചെയ്യുന്ന ആദ്യ ചിത്രത്തിന് പേരിട്ടു. മധുര മനോഹര മോഹം എന്നാണ് ചിത്രത്തിന്റെ പേര്. ഷറഫുദീൻ, രജിഷാ വിജയൻ എന്നിവരാണ് ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നത്.
സൈജു കുറുപ്പ് , അൽത്താഫ് സലിം, വിജയരാഘവൻ, സുനിൽ സുഗത, ബിജു സോപാനം, ബിന്ദു പണിക്കർ, എന്നിവരും ചിത്രത്തില് വേഷമിടുന്നു.
ചന്ദ്രു സെല്വ രാജയാണ് ചിത്രത്തിന്റെ ഛായാഗ്രാഹണം. മഹേഷ് ഗോപാൽ, ജയ് വിഷ്ണു എന്നിവരാണ് ചിത്രത്തിന്റെ തിരക്കഥ. ബിത്രീഎം ക്രിയേഷൻസാണ് ചിത്രത്തിന്റെ നിർമാണം. ഹിഷാം അബ്ദുള് വഹാബ് ആണ് സംഗീത സംവിധായകൻ. എഡിറ്റിംഗ് അപ്പു ഭട്ടതിരിപ്പാട്.
പത്തനംതിട്ട ജില്ലയിലെ ഒരു യാഥാസ്ഥിതിക നായർ തറവാട്ടിനെ കേന്ദ്രീകരിച്ചാണ് ചിത്രത്തിന്റെ അവതരണം. ഒരു കുടുംബത്തിൽ അരങ്ങേറുന്ന കൊച്ചു കൊച്ചു കാര്യങ്ങൾ തികഞ്ഞ നർമ്മത്തിന്റെ അകന്പടിയോടെയാണ് അവതരിപ്പിച്ചിരിക്കുന്നത്.
സ്റ്റെഫി സേവ്യറിന്റെ "മധുര മനോഹര മോഹം'
09:35 AM Jan 16, 2023 | Deepika.com