മഞ്ജു വാര്യറെ കേന്ദ്ര കഥാപാത്രമാക്കി ഒരുക്കുന്ന ആയിഷ എന്ന ചിത്രത്തിന്റെ ട്രെയിലർ പുറത്തിറങ്ങി. നവാഗതനായ ആമിർ പള്ളിക്കൽ സംവിധാനം ചിത്രം ആദ്യ കമേഴ്സ്യൽ മലയാള-അറബിക് ചിത്രമാണ്.
ഇന്തോ-അറബിക് പശ്ചാത്തലത്തിലൊരുങ്ങുന്ന,ഈ കുടുംബ ചിത്രം പൂർണമായും ഗൾഫിലാണ് ചിത്രീകരിച്ചിരിക്കുന്നത്.നൃത്തത്തിന് ഏറെ പ്രാധാന്യമുള്ള സിനിമയുടെ കോറിയോഗ്രാഫി നിര്വഹിച്ചിരിക്കുന്ന പ്രശസ്ത നടനും സംവിധായകനും നര്ത്തകനുമായ പ്രഭുദേവയാണ്.
അറബിക്, മലയാളം ഭാഷകളിൽ ചിത്രീകരിച്ച സിനിമയിലെ എഴുപതു ശതമാനത്തോളം അഭിനേതാക്കളും മറ്റു രാജ്യക്കാരാണ്. ഒരു ലോക സിനിമയുടെ നിലവാരത്തിലാണ് ആയിഷ ചിത്രീകരിച്ചിട്ടുള്ളത്.
ചിത്രത്തിൽ രാധിക, സജ്ന, പൂര്ണിമ, ലത്തീഫ (ടുണീഷ്യ), സലാമ (യു.എ.ഇ.), ജെന്നിഫര് (ഫിലിപ്പൈന്സ്), സറഫീന (നൈജീരിയ), സുമയ്യ (യമന്), ഇസ്ലാം (സിറിയ) തുടങ്ങിയ വിദേശ താരങ്ങളും അണിനിരക്കുന്നു.
രചന ആഷിഫ് കക്കോടി. ക്രോസ് ബോര്ഡര് ക്യാമറയുടെ ബാനറില് സക്കറിയ ആണ് ചിത്രം നിർമിക്കുന്നത്. ബി.കെ. ഹരിനാരായണൻ, സുഹൈല് കോയ എന്നിവർ എഴുതിയ വരികൾക്ക് എം. ജയചന്ദ്രന് സംഗീത സംവിധാനം നിർവഹിക്കുന്നു.
ചിത്രത്തില് ഇന്ത്യൻ, അറബി പിന്നണി ഗായകരും പാടിയിട്ടുണ്ട്. ഛായാഗ്രഹണം വിഷ്ണു ശര്മ. എഡിറ്റര് അപ്പു എന്. ഭട്ടതിരി.